ЎҚув-услубий мажмуа фарғона 20

ЎзР ВМ томонидан устав фондининг энг кам миқдори қуйидагича белгиланган:
Слайд 5 (илова 4.1.5)

Хаётни суғурта қилиш соҳасида ихтисослашаётган суғурталовчилар учун-250 минг АҚШ долларига тенг миқдоридаги суммада ; Умумий суғурта соҳасига ихтисослашаётган суғурталовчилар учун-150 минг АҚШ долларига тенг миқдоридаги суммада ; Қайта суғурта қилиш фаолиятига ихтисослашаётган суғурталовчилар учун-(агар фаолият мавзуси фақат қайта суғурта қилиш бўлса) 2 млн АҚШ долларига тенг миқдоридаги суммада ; Мажбурий суғурта қилиш фаолиятини амалга оширувчи суғурталовчилар учун устав фондининг энг кам миқдори 500 минг АҚШ долларига тенг миқдоридаги суммада ;

Слайд 6 (илова 4.1. 6)

Суғурта фаолиятини тартибга солиш ва назорат қилишни Ўзбекистон Вазирлар махкамаси томонидан белгиланадиган махсус ваколатли давлат органи амалга оширади .

Слайд 7 (илова4.1.7)

«Суғурта фаолияти тўғрисида» Қонуннинг диққатга сазовор жойларидан яна бири, унинг 10-моддасида суғурта ташкилотларини давлат рўйхатидан ўтказиш тартибини аниқ кўрсатиб қўйилганлигидир. Маълумки, қонун ҳужжатларига мувофиқ, акциядорлик жамияти шаклида ташкил этилган суғурта ташкилотлари ўзбекистон Республикаси Адлия вазирлигида давлат рўйхатига олинганлар. Аммо, узоқ вақт, аниқроғи, 1998 йилнинг биринчи ярмигача суғурта фаолиятини тартибга солиш ваколати берилган давлат суғурта назорати органининг ташкил этилмаганлиги ва илгари Адлия вазирлигида давлат рўйхатига олинган ташкилотларнинг фаолияти ҳеч ким томонидан назорат қилинмаганлиги оқибатида янги ташкил этилган суғурта ташкилотларини давлат рўйхатига олишда муаммолар пайдо бўлган.

Акциядорлик шаклидаги суғурта ташки лотларининг фаолияти «Суғурта фаолияти тўғрисида»ги Қонун билан бир қаторда «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунга мувофиқ ҳуқуқий тартибга солинади. Акциядорлик суғурта ташкилотлари ёпиқ ва очиқ турда ташкил этилиши мумкин. Бугунги кунда Ўзбекистон Республикаси суғурта бозорида бошқа мулк шаклидаги суғурта ташкилотлари билан бир қаторда акциядорлик суғурта ташкилотлари ҳам муваффақиятли фаолият кўрсатишмоқда. Улар жумласига очиқ акциядорлик жамияти шаклида ташкил этилган «Ўзагросуғурта» ва «Кафолат» давлат акциядорлик суғурта компанияларини, «Мадад» суғурта агенлигини, «Капитал суғурта» очиқ акциядорлик жамиятларини мисол сифатида келтириш мумкин.

Очиқ акциядорлик жамияти шаклида ташкил этилган суғурта ташкилотларининг ўзига хос хусусиятларидан бири – улар акцияларининг фонд бозорида эркин савдога қўйилишидир. ҳозирги кунда ушбу суғурта ташкилотлари томонидан сотувга чиқарилган акциялар тўлиқ инвесторлар ўртасида жойлаштирилган бўлсада, улар иккиламчи қимматли қоғозлар бозорида олди-сотди объектига айлангани йўқ.
Ўзбекистон Республикасининг «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунига мувофиқ, акциядорлик шаклидаги жамиятларнинг, шу жумладан суғурта ташкилотларининг олий бошқарув органи – акциядорларнинг умумий йиғилиши ҳисобланади. Акциядорларнинг умумий йиғилиши махсус ваколатига қуйидагилар киради: