ЎҚув қЎлланма ўзбекистон Республикаси Президенти ҳузуридаги Давлат бошқаруви

1)
давлат хизматини ахборот билан таъминлаш функцияси, яъни давлат хизматини амалга 
ошириш учун зарур бўлган ахборотни йиғиш, олиш, сақлаш, баҳолаш ва қайта ишлаш;
I БОБ. ДАВЛАТ ХИЗМАТИНИНГ УМУМИЙ ТАВСИФИ

---

27
ДАВЛАТ ХИЗМАТИ
2)
давлат хизмати тизимининг истиқболини белгилаш функцияси. Истиқболни белгилаш – бу 
профессионал тажриба ва амалиёт ҳамда илмий-назарий ютуқларга асосланган маълумотларга 
таяниб, давлат хизмати ва давлат органлари фаолияти ривожланишидаги ўзгаришларни аниқлаш, 
шунингдек, маълум бир ҳодисалар ва жараёнларнинг натижаларини олдиндан кўра билишдир. 
Истиқболни белгилаш қарорларини қабул қилишда жуда муҳимдир. Бу функциясиз ижтимоий 
жараёнларнинг натижаларини, истиқболдаги жамият ҳолатини, давлат органлари фаолиятининг 
самарадорлигини аниқлаш мумкин эмас;
3)
режалаштириш функцияси – бу давлат хизмати тизимидаги у ёки бу жараёнларнинг 
йўналишларини, ривожланишнинг сифат ва миқдор кўрсаткичларини, давлат функцияларининг 
амалга оширилишини белгилаш ҳисобланади. Бундан ташқари, режалаштириш функцияси орқали 
давлат фаолияти ва бошқарувини такомиллаштириш ва ислоҳ қилишнинг мақсад ва вазифалари 
ҳамда йўналишлари белгиланади. Мазкур функцияни амалга ошириш жараёнида давлат хизмати 
турли соҳаларидаги алоқаларнинг ривожланиш дастурлари, шунингдек, давлат органлари фаолияти 
ва тузилишини ўзгартириш ҳамда яхшилаш бўйича дастурлар ишлаб чиқилади;
4) 
ташкил этиш функцияси – бу ўрнатилган тартиб ва принципларга асосланиб давлат хизмати 
тизимини шакллантириш ва тузилишини белгилашдир. Ташкил этиш фаолияти – давлат органлари 
фаолиятини таъминловчи ҳаракатлар ва қарорларни ўз ичига олади;
5)
фармойиш бериш функцияси, яъни давлат органлари ваколатларини ва мансаб мажбуриятларини 
амалга ошириш, давлат фаолиятининг белгиланган тартибини таъминлаш бўйича вужудга келадиган 
муносабатларни кундалик тартибга солишдир. Фармойиш бериш – бу раҳбар (мансабдор шахс) 
томонидан тегишли кўрсатмаларни беришдир;