Ўқув дастурлари

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ
РЕСПУБЛИКА ТАЪЛИМ МАРКАЗИ

Иқтисодий билим асослари фанидан умумий ўрта таълимнинг

ўқув дастурлари

ТОШКЕНТ -2012
Иқтисодий билим асослари фанидан умумий ўрта таълим мактабларининг ўқув дастури
Уқтириш xати
1999 йили Иқтисодий билим асослари фанидан умумтаълим мактаблари учун Давлат таълим стандартлари ва ўқув дастурлари кабул қилин. Ўтган давр ичида таълимнинг кейинги академик лицей, касб –ҳунар коллежи ва олий ўқув юртларида ҳам иқтисодий йўналишдаги фанлар бўйича ўқув дастурлари яратилди.
Иқтисодий билим асослари фани ўқув дастури бу фаннинг олдига қўйилаган мақсад ва вазифалардан келиб чиққан ҳолда, шунингдек, умумий ўрта таълим мактаблари битирувчиларининг таълим тайёргарлик даражаси ва ўқитиш мазмунига қўйилган, давлат таълим стандартлари шарҳларида белгиланган билим, кўникма ва малакаларни шакллантиришни эътиборга олган ҳолда тузилган. Иқтисодий билим асослари фанининг ўзига хос ҳусусяталаридан бири шуки, тушунчалар оддийдан - мураккабликка қараб узвийлик ва узлуксизлик тамойили асосида такрорланиб боради ҳамда ўқувчиларни ижтимоий ҳаётга тайёрлайди.
Дастур қуйидаги йўналишларни ўз ичига олган боблардан ташкил топган:
Замонавий иқтисодиёт, унинг ривожланиш қонуниятлари ва тамойиллари.
Иқтисодий қонунлар ва тамойилларни амалиётда қўллай олиш.
VIII-синф: “Иқтисодиётга кириш”, “Бозор”, “Оила ва уй хўжаликлари иқтисодиёти”, “Талаб ва таклиф”, “Рақобат ва бозор иқтисодиёти”, “Солиқ тизими”.
IХ-синф: “Тадбиркорлик”, “Давлат ва иқтисодиёт”, “Иқтисодий ўсиш”, “Солиқ турлари”, “Инфляция ва ишсизлик”, “Жаҳон иқтисодиёти”.

Дастур 68 соатга мўлжаллаб тузилган бўлиб, 8-9-синфларда ҳафтасига 1 соатдан ўқитилади.

Машғулотларни олиб боришда анъанавий дарс, амалий машғулотлар, ноанъанавий дарс шаклларидан фойдаланиш, баҳслар ўтказиш, Ўзбекистон қонунлари, Президент асарларини ўрганиш ва улар устида ишлаш, ўқитишнинг техник сирларини, компьютер, информацион технологияларни қўллаш, корхона, банк, биржа, бозор, кўргазма марказлари каби қатор муассасаларга экскурсия ташкил қилиш усулларидан фойдаланиш мақсадга мувофиқдир.