Услубий қЎлланма 1-боб. Умумий қоидалар

6-боб. Ҳисобот ва назорат
38. Давлат мактабгача таълим муассасалари ўзлари томонидан кўрсатилган қўшимча пуллик таълим-тарбия хизматлари бўйича тегишли туман (шаҳар) мактабгача таълим бўлимига ҳар ой якуни бўйича кейинги ойнинг 10 санасига қадар ҳисобот топширади.
Туман (шаҳар) мактабгача таълим бўлимлари туман (шаҳар) да кўрсатилган қўшимча пуллик таълим-тарбия хизматлари ҳақида тегишлилиги бўйича Қорақалпоғистон Республикаси Мактабгача таълим вазирлиги, Тошкент шаҳар мактабгача таълим бош бошқармаси ва вилоятлар мактабгача таълим бошқармаларига ҳар ой якуни бўйича кейинги ойнинг 15 санасига қадар ҳисобот топширади.
Қорақалпоғистон Республикаси Мактабгача таълим вазирлиги, Тошкент шаҳар мактабгача таълим бош бошқармаси ва вилоятлар мактабгача таълим бошқармалари ҳудудда кўрсатилган қўшимча пуллик таълим-тарбия хизматлари бўйича Ўзбекистон Республикаси мактабгача таълим вазирлигига ҳар ой якуни бўйича кейинги ойнинг 20 санасига қадар ҳисобот топширади.
39. Қўшимча пуллик таълим тарбия хизматлари бўйича молиявий натижалар тўғрисидаги ҳар ойлик ҳисоботлар мазкур услубий қўлланманинг 5-иловасига мувофиқ шаклда тақдим этилади.
40. Қўшимча пуллик таълим-тарбия хизматлари нархларининг тўғри шакллантирилиши ва қўлланиши устидан назорат Ўзбекистон Республикаси Мактабгача таълим вазирлигининг Ички аудит, молиявий ва ҳуқуқий назорат хизмати ҳамда амалдаги қонун ҳужжатлари талаблари асосида ўрнатилган тартибда тегишли Давлат назорат органлари томонидан амалга оширилади.
7-боб. Якуний қоидалар
41. Давлат мактабгача таълим муассасалари қўшимча пуллик таълим-тарбия хизматлари кўрсатишни амалга ошириш пайтида ўзига бириктирилган ҳамда бюджет ва бюджетдан ташқари маблағлар ҳисобига харид қилинган асосий воситалардан фойдаланишлари мумкин.
42. Давлат мактабгача таълим муассасасига бюджетдан ташқари қўшимча маблағларнинг жалб этилиши бюджетдан молиялаштиришнинг камайишига сабаб бўлмайди.