Усимлик мойлари ишлаб чикариш технологияси

Маъруза – 9

Мавзу. МОЙЛИ УРУГЛАРНИ НАМЛИГИ БУЙИЧА КОНДЕНЦИЯЛАШ.
Режа:
1. Кайта ишлашдамойли уругнинг оптимал намлиги.
2. Мойли уругларнинг намлигини оптимал даражага олиб бориш.
3. Пахта чигитини намлашнинг ахамияти.
4. пахта чигитини ВНИИЖ курилмаси ёрдамида намлаш.
Адабиётлар:
1. А.Г. Сергеев и др. «Рукаводство по технологии получения и переработки растительных масел и жиров» Л. ВНИИЖ. Т 1. К1. 1975, 712с.
2. В.П. Кичигин. «Технология и технохимический контроль производство растительных масел» М. «Пищевая пром-сть», 1976,348с.
3. У.Х. Халимова «Усимлик ёглари ишлаб чикариш технологияси» Т. «Укитувчи», 1982, 240 б.

Мойли уруглар намлигини оптимал холатда келтириш конденцатциялаш дейилади.

Мойли уруг ва унинг ташкил этган компонентларнинг баъзи бир физик хусусиятлари технологик жараёнларнинг боришига мухим таъсир этади. Мана шундай курсаткич мойли уругларнинг намлиги хисобланади. Кайта ишлаш вактидаги уругнинг оптимал намлиги бу уругни бошлангич комплекс операцияларни бажаришдаги оптимал намлиги хисобланади. Бу оптимал намлик турли уруглар учун турлича булиб, унинг технологик жараённи амалга оширишдаги ахамияти хам турличадир.
Уругларни тозалагандан кейин бажарадиган жараён бу, кобигидан ажратиладиган уруглар учун уругни чакиш ва кобигидан магзини ажратишдир. Бунда уругни ишлаб чикаришда юборишдан олдин оптимал намлик хосил килинади.
Кобигисиз (соя) мойли уругларни, майдалашдан олдин тозалангандан кейин бажариладиган биринчи операция хам уругни оптимал намликгача намлаш ва майдаланиш жараёнини яхши утказишдир.
Уругларни намлиги буйича кондициялаш факат бошлангич технологик жараёнлар учун ахамиятли булмасдан балки бошка технологик жараёнларни бориши учун хам ахамиятлидир. Мисол учун пахта чигитини оптимал намлиги 10-11 % га етказиш факатгина бошлангич технологик жараён, уругни чакиш ва ундан кобиг, магзни ажратишни яхшилайди, шелухада йуколадиган мой микдори камайиши билан бирга магзни ковуриш жараёни хам яхшиланади.Технологик нормага асосан ковуришдан олдин янчилган пахта чигитининг магзини намлиги 12 % булиши керак. Лекин амалда куп холларда курук уругларда магзнинг намлиги 6 % ни ташкил этади. Бу эса янчилган магзни ковуришдан олдин оптимал намликгача намлаш учун бир вактда куп микдордаги сув билан намлашни талаб этади, бунда микдордаги сувни бутун магзда бир хилда таксимлаб сингдириш мураккаб. Шу сабабдан хам пахта чигитини майдаламасдан олдин намлигини оптимал намликгача кондициялаш оркали магзга хам керакли намлик хосил килиш имконини беради. Чигитни намлаш оркали биринчидан намлик уни ташкил этувчилар кобиг ва магзга бир хилда текис таксимланади, иккинчидан янчилган магзни ковуришдан олдин кам сув сарфлаб, бу сувни янчилмаган бир текис таксимланиши учун шароит яратилади. Булардан ташкари пахта чигитини намлиги буйича кондициялаш кунжаранинг мойлигини камайишига, магз таркибидаги госсипол моддаси ковуриш вактида боглик холатига утишига, бу эса енгил рафинацияланадиган мой олиш кунжара ва шрот таркибидаги эркин госсиполнинг микдорини минимал булишини таъминлайди.
Соя уругини майдаламасдан олдин намлаш, уни янчиш вактида япроксимон структурасини яхшилашга таъсир этади.
Ишлаб чикаришда куп микдордаги бир хил партиядаги уруглар асосан намлиги буйича хосил килинади. Бу хосил килинган партиялардаги уругларни намлиги турлича булади, уларни намлигини оптимал намликга олиб келиш учун улар кондисияланади.
Умумий холатда уругларни намлиги буйича кондисиялаш икки боскичда: 1) уругдан намликни чикариш (куритиш) ва уруга керакли сув юбориш (намлаш); 2) куритгандан ва намлангандан кейин сувни бир текис таксимланиши учун маълум мудатда саклаш оркали амалга оширилади.
Урта Осиё шароитида йилнинг иссик вактларида пахта чигитининг намлиги 5-7 % га, ёгингарчилик вактларида намлик 13-15 % га етади.
Пахта чигитининг намлиги кескин пасайиши шелуханинг мойлигини ортишига, портловчи мой чангларини хосил булишига олиб келади.
Бундан ташкари курук чигит чакилганда, магзи эзилиб кетиб, бу майда магз заррачалари сепараторларда кийин ажралади.
Шу сабабдан хам пахта чигитини конденциялаш оркали намлигини 10-11 % га етказиш уни чакиш жараёнини яхшилайди, шелуханинг мойлилиги камаяди, магзнинг ковурилиши яхшиланади.
Намлиги оптимал пахта чигити чакилганда кам микдорда магиз майдаланади, мой чанглари кам хосил булади, бунда магз ва шелуха осон ва тез ажралади.
Намлиги юкори булган пахта чигитини кайта ишлашда уни чакиш ва таркибий кисмларга ажратиш булимининг иши ёмонлашади, нам чигит яхши чакилмайди, бунинг натижасида магзнинг янчилиши ёмонлашади вальцовий станокларнинг иши ёмонлашиб уларнинг иш унумдорлиги пасаяди.
Намлиги юкори булган пахта чигити куритилмайди. Чигитни намлашнинг энг оддий усули омбордаги (ёки бунтдаги) чигитга бранспойт билан сув пуркаб, икки ёки уч кун саклагандан кейин кайта ишлашдан иборат. Бу усулнинг камчилиги шундаки, биринчидан, чигит катлами бир текис намланмайди, иккинчидан эса узлуксиз технология процессини ташкил килиб булмайди. Бундан ташкари бу максад учун алохида хона ёки катта хажмли сигимлар талаб килинади.

10 – РАСМ. ВНИИЖ МАРКАЛИ ЧИГИТНИ НАМЛАШ КУРИЛМАСИ

Кейинчалик хом ашё ташийдиган шнекли конвейе ичига буг ва сув юбориб чигит намлангач, сув бир текис сингиши учун у 10-15 соат бирор жойга тукиб куйилар эди. Бу усулда намлаш бранспойтдан сув юбориб намлашга караганда прогрессиврок булган. Чунки буг ва иссик сув бутун чигит катлами буйлаб бир текис таркалиб, чигит бир текис намланган. Бундан ташкари, чигит намлангач уни 2-3 кун саклашга хожат колмайди. Лекин сувни сингдириш 2-3 кун эмас, 10-15 соат давом этса хам, аммо саноатда кулайлик тугдирмайди. Чунки бунда технологик жараённи узлуксиз олиб боришни иложи йук.

Хозирги вактда пахта чигитини намлашда намловчи ВНИИЖ курилмаси кенг ишлатилмокда. (расм 10) .
Намловчи 13 шнекда, пахта чигитида 12 сув пурковчилар оркали сув сепилади ва кабул килувчи бункер 2 га тушади. Кабул килувчи бункернинг остки кисмида иккита каварик тишли валиклар 3 ва 2 катор ростловчи 4 тускичлар урнатилган. Каварик тишли валиклар чигитни намлик-иссиклик билан ишлов бериш камераси 6 га бир текис таъминлаш учун микдори тускичлар ёрдамида бошкариб турилади. Намлик-иссиклик билан ишлов бериш камерасининг юкори кисмига 1 ва 5 буг юбориш трубалари урнатилган. Намлаш-исситиш камерасида чигит намланиб 70-80 С гача иситилади. Юкоридан пастга тушаётган чигит 8 валик ёрдамида аралаштирилиб пастга туширилади. Бунда пастдан кутарилаётган иссик буг чигитни яна хам яхши намлайди. Бу камерада чигитни булиш вакт ичида чигитнинг магзи ва кобиги уртасида сув бир текис таксимланади ва устки нами купаяди.
Хуллаб бугловчи камера остидаги 8 валикларда ва 9 тусик оркали тартибловчи ёгич 10 дан утган чигит сирпанувчи тарнов 11 га тушади. Бу ерда чигитнинг устида колган нам шамоллатувчи шнекда винтилятор ёрдамида хаво юборилиб куритилади. Курилманинг иш унумдорлиги 350 тон/сутка.
Таянч иборалар: -коденциялаш, оптимал намлик, намликнинг технологик жараёнига таъсири, намлик буйича кондициялашнинг боскичлари, пахта чигитини танлаш, намловчи курилмалар.
Назорат саволлари:

1. 
   Мойли уругларни намлиги буйича конденциялашдан максад
   
2. 
   Оптимал намлик нима
   
3. 
   Мойли уругларда оптимал намлик кандай хосил булади.
   
4. 
   Пахта чигитини оптимал намлигини уни кайта ишлашда таъсири
   
5. 
   Пахта чигитини намлаш усуллари
   
6. 
   Пахта чигитини намлашда ишлатиладиган ВНИИЖ курилмасини ишлашини тушинтириб беринг.
   
7. 
   Мойли уругни магзи ва кобиги уртасидаги намликнинг фарки канча булиши керак ва унинг ахамияти.
   

8. Пахта чигитининг намлиги оптимал намликдан кам ёки куп булса уни чакишда нима булади.
9. Мойли уругларни оптимал намлигини хосил килиш усуллари.
10.Мойли уругларни намлашда руй берадиган физик жараёнлар.