Ushbu qo‘llanmani sotib olgan bo‘lsangiz sizga bu omonat tariqasida berildi. Ushbu qo‘llanmani hech kimga xatto yaqin hamkasblaringizga ham bermang faqat o‘zingiz foydalaning sizdan buni muallif sifatida iltimos qilamiz

IV. O’quvchilarni rag’batlantirish.
V. O’quvchilarni baholash.
VI. Uyga vazifa: mavzuni o’rganish.
MMIBDO‘: ______________________
Sinf rahbar: ______________________


Sana:__________
21-mavzu: Barkamol avlod orzusi (Matematika, informatika oyligi doirasida)
Kun shiori: “Barkamol avlod –O`zbekiston taraqqiyotining poydevori”.
Maqsad:O`quvchilarda vatanparvarlikni singdirish, matematika, informatika fan oyliklariga qiziqish bilan ishtirok etish, fanlarga bo`lgan hurmatni rivojlantirish.
Natija:O`quvchilarning erkin fikrlashi, tassurotlari va olgan xulosasi.
Kommunikativ kompetensiya — muloqotda muomala madaniyatiga amal qilishni, ijtimoiy moslashuvchanlikni, hamkorlikda jamoada samarali ishlay olish layoqatlarini shakllantiradi
Axborotlar bilan ishlash kompetensiyasi —media madaniyatga ega bo‘lish layoqatlarini shakllantiradi
Foydalanadigan ko`rgazmali qurollar:O`zbekiston Respublikasi Konstitutsiyasi,Ma’naviyat qalbim quyoshi, Ma’naviyat yulduzlari,Abdulla Oripov Adolat ko`zgusi, shiorlar, plakatlar, devoriy gazetalar, slaydlar, tarqatma materiallar.
Doskada: “Matematika fanlarning shohi, informatika zamonaviylik shohi ”

O`qituvchi:
Har bir davrda fanlarning roli katta ahamiyat kasb etadi. Hech bir fansiz hayotimizni tasavvur eta olmaymiz. Buyuk allomalarimiz asos solgan fanlar taraqqiyotimiz tayanchi hisoblanadi. Bugun siz bilan yana bir alloma bobomiz Ali Qushchi - Mirzo Ulug`bek shogirdi haqida qisqacha to`xtalamiz.
XV asrda Samarqandda dono va ma’rifatparvar hokim deb shuhrat qozongan Ulug`bek saroyida ijod qilgan yirik olimlar ichida uning shogirdi Aloviddin Ali ibn Muhammad Qushchi alohida o`rin tutadi. U ilmi riyoziyot (matematika) va ilmi falakiyot (astronomiya) bo`yicha iste’dodli olim bo`lib, O`rta Osiyo va Turkiya fani tarixida chuqur iz qoldirdi. Olim hayotining so`nggi yillari Turkiyada o`tdi.
Ali Qushchi asli samarqandlik bo`lib, ba’zi tarixchilar fikricha 1402 yilda tug`ilgan, lekin bu sana aniq emas. Uning otasi Ulug`bekning bobosi – Amir Temur saroyida xizmat qilgan yuqori toifadagi amaldorlardan. Ba’zi ma’lumotlarga ko`ra u ov boshlig`i bo`lgan, shuning uchun ham “Qushchi” taxallusini olgan. Bu to`rida boshqa fikrlar ham bor. Yosh Ali Ulug`bekning eng sevikli shogirdi bo`lgan va lochin ovi vaqtida sulton lochinini ko`tarib yurish huquqiga ega bo`lgan.
Ilmi riyoziyot eng qadimgi fanlardan biri bo`lib, amaliyot ehtiyojlaridan kelib chiqqan. Haqiqatan ham qadim zamonlardan beri inson o`zida hisob-kitob ishlarini yuritishda, yer sathini o`lchashda, sug`orish shoxobchalari qurishda, qazib olingan yer hajmini va kanal uzunligini hisoblashda, vaqtni va fasllar almashinishini aniqlashda, merosni taqsim qilish, savdo-sotiq, qurilish va hunarmandchilik ishlari va boshqa hayot faoliyati uchun zarur bo`lgan ishlarda ilmi riyoziyotdan keng foydalangan. O`z ehtiyojlarini qondirish maqsadida u butun sonlarni qo`shish, ayirish, ko`paytirish, bo`lishni, oddiy shakllar yuzini hisoblashni o`rgandi, eng sodda ilmi hisob (arifmetika) va ilmi handasa (geometriya) qoidalarini yaratdi.