Ushbu qo‘llanmani sotib olgan bo‘lsangiz sizga bu omonat tariqasida berildi. Ushbu qo‘llanmani hech kimga xatto yaqin hamkasblaringizga ham bermang faqat o‘zingiz foydalaning sizdan buni muallif sifatida iltimos qilamiz

MMIBDO‘: ______________________
Sinf rahbar: ______________________


Sana:__________
10-mavzu: Bag`rikenglik.
Kun shiori: “O`zbek xalqi bag`rikeng xalqdir”
Maqsad:O`quvchilarda vatanparvarlikni singdirish, xalqparvarlikni rivojlantirish, bag`rikeng xalqimizning o`lmas meroslarini davom ettirish lozim ekanligini uqtirish .
Natija:O`quvchilarning erkin fikrlashi, tassurotlari va olgan xulosasi.
Kommunikativ kompetensiya — muloqotda muomala madaniyatiga amal qilishni, ijtimoiy moslashuvchanlikni, hamkorlikda jamoada samarali ishlay olish layoqatlarini shakllantiradi
Axborotlar bilan ishlash kompetensiyasi —media madaniyatga ega bo‘lish layoqatlarini shakllantiradi
Foydalanadigan ko`rgazmali qurollar:shiorlar, plakatlar, devoriy gazetalar, slaydlar, tarqatma materiallar.
Doskada:“Bag`rikenglik - o`zbek xalqining asriy merosi va shu meros hech qachon xalqimizni tark etmasin”

O`qituvchi:
Turkiston qadim-qadimdan hunarmandchiligi, pazandachiligi, dehqonchiligi, ilm-fani, san`ati va adabiyoti, bir so`z bilan aytganda, ma’naviyati yuksakligi jihatidan olamga mashurdir. Mehnatsevarlik, yerga mehr qo`yish, kasbiga ixlos, mehmondo`stlik, mehr-shafqatlik, odamgarchilik, ota-onaga hurmat, kattalarni siylash, aka-uka, opa-singil, qarindosh-urug`lar o`rtasidagi mehr-oqibat, peshona teri evaziga topilgan rizq-nasibaga qanoat qilib yashash, beva-bechoralarga muruvvatchilik xalqimizga xos odatlardir. Bu urf-odat, an’ana va marosimlarda xalqimizning qator noyob fazilatlari, insonparvarlik xislatlari mujassam.
O`zbek xalqining boshqa xalqlardan ajralib turadigan va boshqa xalqlar tan olgan yana bir odati bu bag`rikenglikdir. Bag`rikenglik
Bizga azaldan meros. Chunki, xalqimiz kimdir qiynalgan bo`lsa, yoki yo`lidan adashgan bo`lsa, ularga o`z uylaridan joy berib, mehr ko`rsatadilar. Hammamizga yaxshi ma’lumki, Ikkinchi jahon urushida juda ko`plab, xalqlar yurtimizga kelganida bizning xalqimiz ularni quchoq ochib, o`z uylaridan joy berganlar. Toshkentlik temirchi Shoahmad Shomahmudov urush yillarida 14 ta turli millat vakili bo`lgan bolalarni o`z qaromog`iga olgan. Bu ham xalqimizning o`ta bag`rikeng xalq ekanligidan dalolat.
O`zbekistondagi butun millat biz yagona oilani tashkil etamiz degan g`oya asosida hamjihatlikda yashab kelmoqda.
Hattoki, Davlat madhiyamizda ham xalqimizning bag`rikengligi ifodalangan. Bag`rikenglik, kengfe`llik, mehr-oqibat insoniylik hech qachon bizni tark etmasin.
Topshiriq:O`quvchilarga o`zlari bilgan, o`qigan kitoblarida yana qanday bag`rikenglik timsoli bo`lgan yurtdoshlarimizdan, qo`shnilaridan, qarindoshlaridan, ustozlaridan bo`lsa, ularning shunday ajoyib xislatlarini so`zlab beradilar.
Izoh:O`qituvchi jarayonni kuzatishda samimiylikka, o`quvchilarning o`zlarini odob-axloq me’yorlariga e’tiborli bo`lishlikka, faollikka, jonkuyarlikka va talabchanlikka, tezkorlikka, ijodkorlikka undab boradi.