Ushbu o’quv-uslubiy majmua 5120100- filologiya va tillarni o’qitish (o’zbek tili) bakalavryat ta’lim yo’nalishida ta’lim olayotgan talabalarga mo’ljallangan

Fan bo‘yicha talabalarning bilim, ko‘nikma va malakalariga qo‘yiladigan talablar
“Sotsiolingvistika” fani bo‘yicha bakalavr tilning ijtimoiy mohiyati, til va jamiyat munosabati, lisoniy vaziyat va uning turlari, bilingvizm va uning turlari haqida tasavvurga ega bo‘lishi; sotsiolingvistikaning nazariy masalalarini, til ontologiyasi masalalarini, tilning funksional tasniflarini, lisoniy qurilmalarni bilishi va ulardan foydalana olishi; sotsiolingvistikaning til bilan jamiyat bog‘liqligiga oid nazariy masalalarni hal qilishdagi asosiy fan sifatidagi ahamiyatini asoslash, sotsiolingvistikaning til bilan jamiyatning o‘zaro bog‘liqligiga oid amaliy masalalarni hal qilishdagi asosiy fan sifatidagi ahamiyatini asoslash, sotsiolingvistik metodlarni amalda tatbiq qilish ko‘nikmalariga ega bo‘lishi kerak.
Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviyligi
“Sotsiolingvistika” “Tilshunoslik va tabiiy fanlar”, “Tilshunoslikka kirish”, “Dialektologiya”, “Umumiy tilshunoslik” fanlarida o‘rganiladigan muammolar borasida yetarli bilim va ko‘nikmalarga ega bo‘lishni talab etadi.
Fanning ishlab chiqarishdagi o‘rni
Talabalarda sotsiolingvistika bo‘yicha boshlang‘ich bilimlarni shakllantirish; sotsiolingvistikada faol qo‘llaniladigan terminlarni o‘zlashtirish, sotsiolingvistikaga oid nazariy masalalar bo‘yicha muayyan bilimga ega bo‘lish va ularni amaliyotda tatbiq etish muhim ahamiyat kasb etadi.
Fanni o‘qitishda foydalaniladigan zamonaviy axborot va
pedagogik texnologiyalar
“Sotsiolingvistika” fanini o‘zlashtirishda o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga egadir. Dasturda ko‘rsatilgan mavzular ma’ruza, amaliy mashg‘ulot, seminar mashg‘ulotlari shaklida olib boriladi, shuningdek, fanning dolzarb masalalari talabalarga mustaqil ta’lim sifatida o‘zlashtirish uchun beriladi. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, texnik vositalardan foydalaniladi. Ma’ruza, amaliy va seminar mashg‘ulotlari zamonaviy pedagogik texnologiyaning “Klaster”, “3x4”, “Venn diagrammasi”, “Rezyume”, “Baliq skeleti”, singari metodlari orqali hamda slaydlar, multimedia namoyishi bilan o‘tkaziladi.