Ушбу Қоидаларда қуйидаги асосий тушунчалар қўлланилади: гендер-ҳуқуқий экспертиза

37-мавзу: Ички ишлар органларида узлуксиз ўқув карьера жараёни тизими.

Маълумки, Ўзбекистон Республикаси Президентининг 2021 йил 15 апрелдаги ПҚ–5076-сон «Ички ишлар органлари учун профессионал кадрлар тайёрлашнинг сифат жиҳатидан янги тизимини жорий этиш бўйича чора-тадбирлар тўғрисида»ги Қарори ҳамда Ўзбекистон Республикаси ИИВнинг 2021 йил 27 августдаги 310-сонли«Ички ишлар органларида узлуксиз ўқув-карьера жараёни тизимини ташкил этиш тўғрисида»ги буйруғига асосан, республика ички ишлар органлари ходимлари учун “Узлуксиз ўқув-карьера тизими” таъсис этилди.

Унга кўра, тизим ходимлари навбатдаги «катта сержант», «капитан», «майор» ва «подполковник» махсус унвонларини олиш учун Вазирлик Малака ошириш институти томонидан ташкил этилган кундузги ва масофавий ўқув курсларида таҳсил олишлари ва белгиланган намунадаги сертификатни қўлга киритиш лозимлиги белгиланди.
Шу муносабат билан, 2022 йил 15 январь куни Малака ошириш институтининг ҳудудий филиалида Қорақалпоғистон Республикаси ИИВнинг Касбий тайёргарлик бўлими билан ҳамкорликда“капитан” махсус унвонини олиш учун жорий йилнинг 17-27 январь кунлари ўтказилиши белгиланган масофавий ўқув курсига жалб қилинган тингловчиларга ўқув курси олди йўриқномаси ўтказилди.
Учрашувда Институтнинг Нукус филиали раҳбари юридик фанлари бўйича фалсафа доктори подполковник С.Алламбергенов, Касбий тайёргарлик бўлими бошлиғи подполковник А.Бекимбетов ҳамда ўқув курсига жалб қилинган тингловчилар иштирок этди.
Учрашувда тингловчиларга узлуксиз ўқув-карьера жараёнини тартибга солувчи тегишли норматив-ҳуқуқий ҳужжатларнинг мазмун-моҳияти, унда қўйилган асосий вазифалар ва талаблар, шунингдек, Институтнинг ўқув платформасидан фойдаланиш тартиблари етказилди. Шунингдек, тингловчиларга шахсий логин-пароллар белгиланган тартибда топширилди ҳамда ўқув жараёни билан боғлиқ бўлган саволларига атрофлича жавоб берилди.
Ушбу ўқув курси сўнгида, тест шаклида белгиланган якуний имтиҳондан мувофаққиятли ўтган тингловчиларга белгиланган намунадаги сертификатлар берилиши белгиланган.