Ушбу Қоидаларда қуйидаги асосий тушунчалар қўлланилади: гендер-ҳуқуқий экспертиза

Алюминий (Al) (кукун)-кумушдек оқ, енгил металл бўлиб, унинг зичлиги 2,702 г/см³ га, суюқланиш температураси 660,1⁰С га тенг. Алюминий ниҳоятда чўзилувчан ва узилишга жуда катта қаршилик кўрсатадиган металлдир, ундан сим тайёрлаш ва юпқа листлар прокатка қилиш осон. Алюминий одатдаги температурада ҳавода ўзгармайди, чунки у, юпқа ва тиғиз оксид парда билан қопланиб қолади, бу парда металлни яна оксидланишдан сақлайди. Алюминий сиртидаги бу қават, масалан, амальгамалаш йўли билан йўқотилса, металл тезда оксидланади ва оксидланиш вақтида алюминий қаттиқ қизиб кетади. Агар алюминий кукуни қаттиқ қиздирилса, у алангаланиб кетади ва кўзни қамаштирарли даражада равшан аланга билан ёниб, алюминий оксид ҳосил қилади. Ёниш ниҳоятда тез бўлади; масалан, юпқа алюминий зари 0,01секундда ёниб кетади. Алюминий жуда майда кукун ҳолида темир буюмларга суртиш учун кетадиган бўёқ сифатида ҳам ишлатилади, бундай бўёқ темирни коррозиядан яхши сақлайди, алюминий кукуни литография бўёғи сифатида, шунингдек, аммоналлар типидаги баъзи портловчи аралашмалар тайёрлашда ҳам ишлатилади.
Магний-(Mg) кумушдек оқ, зичлиги 1,74 г/см³ бўлган жуда енгил металлдир. Магний ҳавода кам ўзгаради, чунки магний сирти юпқа оксид парда билан тез қопланиб қолади, бу оксид парда магнийни янада оксидланишдан сақлайди.Магний қиздирилганда ўт олиб кетиб, ёнади ва магний оксид ҳамда оз миқдорда магний нитрид Mg₃N₂ ҳосил қилади. Ёнаётган магний шуъласи ниҳоятда равшан бўлади, магнийнинг шуъласида ультрабинафша нурлар кўп. Шунинг учун, баъзан, фотографик расмлар олишда ёритиш мақсадида магнийдан фойдаланилади. Магний пиротехникада ҳам ишлатилади.
Кўмир-(C)таркибида углерод бўлган моддалар ҳаво кирмайдиган жойда қиздирилса, улардан аморф углерод ёки тўғридан-тўғри кўмир деб аталадиган қора масса ҳолидаги углерод ажралиб чиқади. Кўмир энг қийин суюқланадиган моддалар қаторига киради. Кўмирнинг суюқланиш температураси 3600⁰С га яқин. Кўмир одатдаги эритувчиларда эримайди, аммо суюқланган кўпгина металларда, масалан темир, никель ва платинада эрийди. Бу металлар совутилганда уларда эриган кўмир графит ҳолида эритмадан ажралиб чиқади. Кўмирнинг энг муҳим техник навлари: кокс, писта кўмир, суяк кўмири ва қоракуядир.