Ус таълим вазирлиги ўзбекистон республикаси соғЛИҚни сақлаш вазирлиги

ЖАҲОН СОҒЛИҚНИ САҚЛАШ ТАШКИЛОТИ (ЖССТ)
ЖССТ-бу йирик ҳалқаро тиббий ташкилот. Унинг фаолиятининг асосий мақсади - ҳамма халқлар орасида юқори даражадаги саломатликка эришиш. ЖССТ уставида биринчи маротаба ҳалқаро даражада ҳар бир инсоннинг саломатликка ҳуқуқи эълон қилинди, хукуматнинг ўз ҳалқи саломатлигига жавобгарлик принципи тасдиқланди, ҳамда саломатлик ҳалқаро ҳавфсизлик, илмни мустаҳкамлаш саломат лик ўртасидагиажралмас боғлиқлик борлиги таъкидланди.
ЖССТ иккинчи жаҳон урушидан кейин, дунё мамлакатларининг ҳаётида сиёсий ва ижтимоий-иқтисодий ўзгаришлар юз бераётганда ташкил қилинди. Кучларнинг ҳаммаси урушдан кейин бузилган жойларни тиклаш ва ҳалқни шошилинч тиббий ёрдам билан таьминлашга қаратилган эди. Бу эса дунёда ягона ҳалқаро соғлиқни сақлаш марказини ташкил қилишни талаб қилди. Шунга асосан 1946 йил Нью-Йоркда БМТда Иқтисодий ва Ижтимоий кенгашларнинг қарори бўйича БМТ қошида ҳалқаро соғлиқни сақлаш бўйича конференцияси чақирилди, унга 51 мамлакатдан вакиллар, ҳалқаро ташкилотлар вакиллари, шу жумладан Жамоат гигиенаси ҳалқаро бюроси, Ҳалқаро Қизил Хоч, Ҳалқаро меҳнат бюроси ва бошқа делегатлар қатнашди. Конференцияда ЖССТ устави ишлаб чиқилди ва у 1948 йил 7 апрелда кучга кирди. Бу кун ҳар йили Ҳалқаро саломатлик куни сифатида нишонланди.
ЖССТ - бу БМТнинг ўз таркиби буйича энг кенг ихтисослашган муассасаларидан бири. ЖССТ таьсисчи-мамлакатлар ичида, унинг Уставини ишлаб чиқишда фаол иштирок этган Совет Иттифоқи эди, бу ташкилотга Ўзбекистон Республикаси ҳам аъзо. Бошидан ЖССТ ҳақиқатан ҳам бутун дунё ташкилоти каби ташкил қилинган эди: у давлатларнинг ижтимоий ривожланиш даражасида ижтимоий-сиёсий тузилишидан қатьий назар, ҳамма давлат унинг таркибига кириши мумкин. ЖССТ аъзолари бўлган ҳамма давлатлар тенг ҳуқуқга эга. Ҳозирги кунда бу йирик ва обрўли ҳалқаро ташкилотлардан бири, у дунёнинг 200га яқин давлатларини (191 тўлиқ ҳуқуқли ва 2та ассоциациялашган аъзо) бирлаштиради. Ташкилот ўзининг расмий тили сифатида бутун дунёда кенг таралган олти тилдан фойдаланади, шулар ичида инглиз, француз, немис, рус тилларида ЖССТ ахборотномалари, тўпламлари чоп этилади ва ҳалқаро кенгашлар шу тилларда ўтказилади.