Ус таълим вазирлиги ўзбекистон республикаси соғЛИҚни сақлаш вазирлиги

Шифохона (больница) сметасини тузиш услуби.
Шифохона сметаси - бу 1 та молиявий йилда шифохона фаолиятини таъминлашга қаратилган харажатларни ёзиб чиқиш.
Шифохона сметасини тузишда қуйидагиларга алохида эътибор бериш керак.
а) иқтисод режага қатъий риоя қилиш;
б) бюджет маблағларидан хўжаликларча ва тежамкорлик билан фойдаланиш;
в) муассаса резервларидан (ички ресурслардан) максимал фойдаланиш.
Ҳозирги кунда давлат тиббиёт муассасалари 4 гурухдан иборат сарф харажатларга асосан молиялаштирилади.
Биринчи гурух: Иш ҳақи ва унга тенглаштирилган тўловлар (болали оилаларга нафақалар кам таъминланган оилаларга моддий ёрдам, стипендиялар ва бошқалар)
Иккинчи гурух: Иш ҳақи ҳисобига ажратмалар
Учинчи гурух: капитал маблағ (давлат инвести учун дастурда кўрсатилган, адреслар рўйхатига мувофиқ)
Тўртинчи гуруҳ: Бошқа сарф харажатлар
Тўртинчи гурухга кирувчи харажатлар қуйидаги тартибда кетма -кет сарфланади.

1. 
   Озиқ - овқат;
   
2. 
   Дори-дармон;
   
3. 
   Коммунал хизматлар;
   
4. 
   Бошқа харажатлар.
   

Харажатлар нормалари
Соғлиқни сақлаш муассасаларининг режалаштириш ва молиялаштириш фаолиятида принцпиал жиҳатларидан бири белгиланган нормаларга риоя қилишдан иборат.
Норма маълум олинган шартли бирикмаларга асосланади. Улар ўз характерга кўра моддий кўрсаткич ёки пул шаклида ифодаланиши мумкин
Моддий нормаларга (натурал) беморларнинг овқатланиш нормалари, шифохонани ўринларни жихозлаш нормалари ва ҳ.к. киради.
Мажбурий (ҳукумат томонидан тасдиқланган) ва мажбурий бўлмаган ҳисоботлар орқали белгиланадиган нормалар фарқланади
Мажбурийга: 1 та ўрин учун белгиланган дори-дармон, овқат, кўрпа-тўшак учун харажатлар нормаси киради; ҳисоблаш нормаларида эса охирги бир неча йиллар давомида амалда қилинган харажатларга асосланади ва улар молия органлари билан келишилади.