Ус таълим вазирлиги ўзбекистон республикаси соғЛИҚни сақлаш вазирлиги

15. Cогликни саклаш муассасаларида молиялаштириш асослари. Смета.
Ўзбекистон Республикасида 2000 йилда «Бюджет тизими тўғрисида» Қонун қабул қилинган. Бу Қонунда Ўзбекистон Республикаси бюджет тизимининг асосий принциплари, Давлат бюджети тузилмаси, бюджет тизимига раҳбарлик қилиш тартиби, бюджет тизимини бошқариш соҳасида қатнашувчи ташкилотларнинг ваколатлари, Давлат бюджети даромадлари ва харажатларининг бюджет таснифи, Давлат бюджети даромадлари ва харажатлари, Давлат бюджети лойиҳасини тайёрлаш ва қабул қилиш тартиби ҳамда Давлат бюджетининг ижроси тўғрисида ҳисоботлар тузиш тартиби белгиланган.
Ўзбекистон Республикаси бюджет тизими деганда турли даражадаги бюджетлар ва бюджет маблағлари олувчилар йиғиндисини, бюджетларни ташкил этишни ва тузиш принципларини, бюджет жараёнида улар ўртасида, шунингдек бюджетлар ҳамда бюджет маблағлари олувчилар ўртасида вужудга келадиган ўзаро муносабатларни ўзида ифодалаш тушунилади. Бюджет жараёни деганда Давлат бюджетини тузиш, кўриб чиқиш, қабул қилиш ва ижро этиш, унинг ижросини назорат қилиш, ижроси тўғрисидаги ҳисоботни тайёрлаш ва тасдиқлаш, шунингдек Давлат бюджети тузилмасига кирувчи бюджетлар ўртасидаги ўзаро муносабатларнинг қонун ҳужжатлари билан тартибга солинган жараёни тушунилади.
Давлат бюджети умумий ҳолатда жорий йилга давлатнинг даромадлари ва харажатлари баланс шаклида тузилган ҳамда қонун кучига эга бўлган режасидир. Ҳар қандай мамлакатда давлат бюджети - бу молиявий тизимнинг асосий қисми, солиқлар, давлат харажатлари ва давлат кредитлари каби асосий молиявий категорияларнинг ҳаракатидаги ягоналигидир.
Давлат бюджети очиқ-ойдин бўлиши керак. Давлат бюджети деганда давлат пул маблағларининг (шу жумладан давлат мақсадли фондлари маблағларининг) марказлаштирилган фонди бўлиб, унда даромадлар манбалари ва улардан тушумлар миқдори, шунингдек молия йил мобайнида аниқ мақсадлар учун ажратиладиган маблағлар сарфининг йўналишлари ва миқдори назарда тутилади. Давлат мақсадли фондлари деганда давлат бюджети таркибида жамлантириладиган фондлар бўлиб, уларнинг ҳар бири учун маблағ манбалари, ҳар бир манбадан маблағ тушуми меъёрлари ва шартлари, шунингдек шу маблағлардан фойдаланилиши мумкин бўлган мақсадлар қонун ҳужжатлари билан белгиланиши назарда тутилади.