Қурилиш қоришмалари. Қоришманинг асосий хоссаларини аниқлаш. Қоришма аралашмасининг харакатчанлигини аниқлаш. Умумий маълумотлар

4. Қоришманинг сув сақлаб қолиш хусусиятини аниқлаш.
Қоришманинг сув сақлаб қолиш хусусияти, босма(сув шимувчи) қоғоз устига 12 мм қалинликда қоришма қатламини ётқизиш йўли билан аниқланади.
Асбоб-ускуналар: 150Х150 мм ўлчамдаги босма(сув шимувчи) қоғозлар, 250Х350 мм ўлчамдаги дока газлама, Ички диаметри 100 мм, баландлиги 12 мм ва қалинлиги 5 мм ўлчамли метал халқа, 150х150 мм ўлчамдаги, қалинлиги 5 мм бўлган шиша пластинка, тарози, қоришманинг сув сақлаш хусусиятини аниқлаш учун мослама (2-расм)
Тажрибани бажариш тартиби: Синашдан олдин 10 дона босма қоғозни 0,1 г аниқликда тарозида тортилиб шиша пластинка устига тахланади, устидан дока газлама тўшалади, устига метал халқа қўйилади ва буларнинг хаммаси биргаликда яна тарозида тортилади.
Яхшилаб аралаштирилган қоришма билан метал халқа тўлдирилади, халқанинг тепа қирраси билан тенг қилиб текисланади, буларнинг хаммаси биргаликда тарозида тортилади ва 10 минут шу холатда қолдирилади.
Дока билан қоришма тўлдирилган метал халқа авайлаб олинади.
Босма қоғозлар тарозида 0,1 г аниқликда тортилади.
Қоришманинг сув сақлаш хусусиятини аниқловчи асбоб схемаси

2—расм
1 — қоришма билан тўлдирилган метал халқ; 2 — 10 қатлам босма (сув шимувчан) қоғозлар; 3 — шиша пластина; 4 — дока газлама тўшалган қатлам.

Қоришманининг сув сақлаш хусусияти V фоиз хисобида қуйидаги формула орқали хисобланади

бу ерда; т₁ — босма қоғозларнинг синов бошланмасдан олдинги массаси, г;
т₂ — босма қоғознинг синовдан кейинги нам холдаги массаси, г;
m₃ — мосламанинг қоришма солинмасдан олдинга массаси, г;
т₄ — мосламанинг қоришма солингандан кейинги массаси, г.
Қоришманинг сув сақлаш хусусияти икки марта ўтказилган синов натижаларининг ўртача арифметик қиймати сифатида ҳисоблаб чиқарилади. Иккита ўтказилган синов натижаларинг фарқи майда кўрсаткичга нисбатан 20 % дан ошмаслиги лозим.