Urganch davlat universiteti X. R. Matyoqubov, J. K. Tojiyev texnologiya va dizayn

29-rasm. Taxta materiallari taxlami uchun taglikning ko`rinishi: 
1 – asos; 2 – bo`ylama to`sinlar; 3 – ko`ndalang tosinlar 
Shtabeldagi qistirmalar ham bir-biri tepasida aniq vertikal yo`nalishda joylanishi 
va  poydevorning  tayanch  bruslari  (lagalar)  o`qi  orqali  o`tadigan  chiziqdan  chetga 
jilmasligi  lozim.  Qistirmalar  soni  va  ular  orasidagi  masofa  poydevorning  tayanch 
bruslari soniga va ular orasidagi masofaga teng bo`lishi lozim. 
Yog`och  –  taxtalar  qo`lda  taxlanganida  shtabelning  balandligi  4  m,  taxtalar 
shtabelyor  va  kranlar  yordamida  taxlanganida  8  m  gacha  va  bundan  baland  bo`ladi. 
Shtabel  qanchalik  baland  bo`lsa,  ular  orasida  havo  shunchalik  jadal  harakatlanadi, 
shu  sababli  materiallar  tez  quriydi.  Shtabellar  tepasiga  qalinligi  22  –  25  mm  va  eni 
kamida  150  mm  keladigan,  chirimagan,  ko`k  dog`lar  tushmagan,  yorilmagan  va 
tushib  ketgan  ko`zlari  bo`lmagach  taxtalardan  bir  nishabli  tom  quriladi.  Tomning 
nishabi (qiyaligi) yo`l tomonga qaratilgan va tomning har 1 metr uzunligida 12 sm ga 
teng  bo`lishi  lozim.  Tomning  bosh  tomoni  tagiga  shu  quritilayotgan  taxtalardan 
shtabel  qo`yiladi.  Tomning  labi  yo`l  tomonga  0,75  m  ortib  chiqib  turishi,  shtabellar 
oralig`i 0,5 m ga teng bo`lishi lozim.  
Tom shtabelga yuqori tomondan havo kirib turishiga to`sqinlik qilmasligi kerak. 
Havo  yog`och-taxtalarning  ustki  qatorlariga  tegib  o`tganida  qisman  ularning  namini 
yutib oladi, shu tufayli og`irlashib, taxtalar orasidan (shpatsiyalardan) pastga tushadi. 

---

- 82 - 
 
Shtabellarning  ostdan  shamollab  turishi  shtabellar  orasida  havoning  tez 
harakatlanishiga yordam beradi.  
Shtabeldagi yog`och-taxtalarning eng pastki qatoridan 1 m va 2 m balandlikda, 
gorizontal  oraliqlar  qoldiriladi.  Shtabel  ichida  shamol  o`ynab,  taxtalar  bir  tekisda 
qurimog`i  uchun  shtabelning  o`rtasida  uning  pastidan  tepasigacha  o`tib  turadigan 
vertikal oraliq – kanal (truba) hosil qilinadi, kanalning kengligi 40 – 60 sm bo`ladi  
Shtabelga  taxlanadigan  yog`och-taxtalar  o`lchamiga  va  sifatiga  qarab  uch 
gruppaga ajratiladi: 

 
150 mm dan kengroq sara nav, 1, 2 va 3 – nav yog`och-taxtalar 1 – gruppaga 
kiritiladi;  

 
yuqori navdan to 4 – navgacha bo`lgan bruslar, eni 150 mm dan oshmaydigan, 
yuqori  navdan  to  3  –  navgacha  bo`lgan  taxtalar,  4-navga  kiradigan  150  mm 
dan enli taxtalar 2-gruppaga kiritiladi; 

 
sifati 4-navdan past bo`lgan barcha yog`och-taxtalar 3-gruppaga kiritiladi.  
Har gruppani taxlash tartibi har xil 1-gruppa yog`och-taxtalar ko`ndalang kesimi 
25X40 mm bo`lgan quruq reykalar ustiga taxlanadi. Eng chetki reykalar taxtalar uchi 
bilan  bab-baravar  turishi  lozim.  2-gruppa  yog`och-taxtalarning  shtabellarida 
qistirmalarga,  yaxlit  qatorlardagi  singari,  shu  gaxga  va  brusoklar  ishlatiladi,  bunda 
yaxlit  qatordagi  taxta  va  brusoklarning  uchlari  ikkinchi  qistirma  bilan  bab-baravar 
(ichga yashiringan) bo`lishi kerak. 3-gruppa yog`och-taxtalar taxta qistirmalar ustiga 
taxlanadi, eng chetki qistirmalar yaxlit qatordagi taxtalarning uchi bilan bab-baravar 
bo`lishi lozim.  
Shtabeldagi taxta va brusok qatorlari shartli ravishda yaxlit qatorlar deb ataladi, 
haqiqatda esa ular orasi ham sal ochiq bo`ladi.  
Bayon qilingan tuzilishdagi shtabellar qatorli shtabellar deyiladi, chunki bularda 
yog`och-taxtalar  qator-qator  qilib,  qo`lda  taxlanadi.  Shtabelning  juda  baland 
qatorlariga yog`och-taxtalar shtabelyor yoki kranlar yordamida chiqariladi.  
Kranlardan foydalanishda yog`och taxtalar to`da to`da qilib bog`lanadi. Shtabel 
tepasiga chiqarilgach, to`dalar tarqatilib, taxta-yog`ochlar qatorlarga qo`lda taxlanadi. 
Yog`och-taxtalar  shtabellarda  paketlar  holida  ham  quritiladi.  Quritishning  bu 
usulida  yog`och-taxtalar  dastlab  oralariga  qistirma  qo`yib  va  oraliqlar  (shpatsiyalar) 
qoldirib,  quritish-tashish  paketlari  holida  taxlanadi.  Qistirmalar  soni  va  ularning 
joylanishi  poydevordagi  bruslar  soniga  hamda  ular  orasidagi  masofaga  mos  bo`lishi 
lozim. Qarag`ay va kedr yog`och-taxtalari orasida kamida 50 mm, boshqa ninabargli 
yog`och-taxtalarda  kamida  35  mm  oraliq  (shpatsiya)  qoldiriladi.  Paketlarning 
uzunlngi  yog`och-taxtaning  bo`yiga  bog`liq,  eni  va  balandligi  esa  ko`taruvchi  va 
tashuvchi  mexanizmlarning  o`lchamiga  hamda  yuk  ko`tara  olish  quvvatiga  qarab 
belgilanadi. Paketli shtabel poydevorga yarus (qavat)lar holida taxlangan paketlardan 

---

- 83 - 
 
iborat bo`ladi.  Paket yaruslarn orasiga qapinligi kamida  75mm  bo`lgan  biriktiruvchi 
qnstirmalar qo`yiladi 
Shunday  «yagona  paket»  sistemasi  qo`llanilganda  transport  vositalaridan  va 
ko`taruvchi  mexanizmlardan  samarali  foydalaniladi,  mehnat  sarfi  kamayadi,  chunki 
sarxillash maydonchyasida paket qilib joylangan yog`och-taxtalar bu maydonchadan 
ombordagi  shtabelgacha,  so`ngra  sushilkagacha  (yog`och  quritgich),  undan  esa 
stanokkacha bo`lgan yo`lni qayta tahlamasdan o`tadi.  
Quruq, randalangan yog`och-taxtalarni, shuningdek, qattiq yogoch materiallarni, 
eng  yaxshisi,  yog`och  panjarali  (jalyuzali)  hamda  ventilyatsiyali  yopiq  omborlarda 
saqlash  ma‘qul.  Bunday  omborlar  bo`lmagan  hollarda  randalangan  (namligi  18%li  
va  undan  oshmaydigan)  yog`och  materiallarni  shtabellarga  dasta-dasta  qilib  zich 
joylash lozim. 
Dastalar 1 metrdan baland bo`lmasin. Shtabelda dastalar orasida 20 – 25 mm li 
vertikal  oraliqlar  qoldiriladi,  gorizontal  yo`nalishda  esa  shtabelning  turg`unligini 
oshirish maqsadida, quruq qistirmalar qo`yiladi.  
Quruq  materiallarni  shtabel  qilib  taxlash  va  shtabelni  buzib  olish  ishlarining 
hammasi  havo  quruq  paytda  bajarilishi  shart.  Qor  va  yomg`ir  yoqqan  paytlarda 
bunday shtabellar brezent bilan bekitiladi.  
Ochiq  havoda  quritilgan  yog`och-taxtalarning  namlik  darajasi  22%  ga 
yetkazilishi  kerak.  Shtabeldagi  taxtalarning  qurish  darajasi  oddiy  yo`l  bilan: 
shtabelning  taxminiy  1/4  balandligiga  nazorat  namunalar  qo`yish  yo`li  bilan 
aniqlanadi.  
Ochiq  havoda  quritilganida  yog`och-taxtalar  tob  tashlashi,  ko`k  doglar  paydo 
bo`lishi  va  material  uchidan  yorilishi  mumkin.  Buning  oldini  olish  uchun  taxtalarni 
shtabelga  to`g`ri  taxlash  kerak.  CHunonchi,  taxtalar  uzunasiga  tob  tashlamasligi 
(salqilikning  oldini  olish)  uchun  qistirmalar  to`gri  joylanishi  shart.  Odatda  zaxira 
yog`och-taxtalar 
saqlanadigan 
omborlari 
katta 
bo`lmagan 
yog`ochsozlik 
korxonalarida yog`och-taxtalarning qirqilgan uchlari oqlanadi va bo`yaladi, shunday 
qilinsa, namning yog`och uchidan bug`lanishi kamayadi.  
Amalda yog`och-taxtalarning uchlari bekilib turishi uchun ba‘zan shtabel atrofi 
taxtalar  va  maxsus  shchitlar  bilan  to`siladi.  Natijada  shtabellar  tagi  kamroq 
shamollanadi, binobarin, yog`ochning qurishi sekinlashadi. Qurigan yog`och-taxtalar 
shtabelini  hamda  qattiq  yog`och  materiallar  shtabelini  shchitlar  bilan  bekitish 
mumkin.  
Ninabargli  yog`och-taxtalarni  va  yaproqli  yog`ochning  qattiq  turlarini  ochiq 
havoda quritish qoidalari standartlarda bayon qilingan.  

---

- 84 -