Urganch davlat universiteti "tasdiqlayman"

I. O‘quv fanining dolzarbligi va oliy kasbiy ta’limdagi o‘rni  

 

“Alisher  Navoiy  nomidagi  TDO‘TAUni  tashkil  etish  to‘g‘risida”gi  Prezident 

Farmoni”da  “...o‘zbek  tilining  asl  tabiati  va  xususiyatlarini  to‘la  aks  ettiradigan, 

shuningdek,...uning  tovushlar  tizimini  yozuvda  aks  etishi,  joriy  imlo  qoidalarini 

takomillashtirish bo‘yicha ilmiy asoslangan takliflar tayyorlash” ko‘zda tutilgani, mazkur 

vazifani  ijro  etish  maqsadida  TDO‘TAU  huzurida  “O‘zbek  alifbosi  va  joriy  imlo 

qoidalarini  takomillashtirish”  bo‘yicha  ishchi  guruh  tuzilganligi  imlo  masalalari 

mamlakatimizda juda katta ahamiyatga molik ekanligini ko‘rsatadi.  

“Imlo  muammolari”  fanining  tanlov  fani  sifatida  o‘quv  rejasidan  o‘rin  olishida 

yuqoridagi vazifalar ijrosi hisobga olingan. Ushbu dastur 5120100 – Filоlоgiya va tillarni 

o‘qitish (o‘zbеk tili) yo‘nalishi talabalariga 6 va 7-semestrida o‘tish uchun mo‘ljallangan. 

Bugungi  kunda  tilshunoslikning  tilshunosligimizda  mavjud  bo‘lgan,  o‘zining 

dolzarbligini hamon saqlab kelayotgan masalalarga bag‘ishlangan mavzularga atroflicha 

o‘rin  ajratilgan.  Shularni  hisobga  olgan  holda,  ushbu  dastur  bugungi  kun  filolog 

mutaxassislari  uchun  juda  muhim  bo‘lgan  lingvistik  ma’lumotlarni  talabalarning 

e’tiboriga  taqdim  etish,  ularda  mazkur  muammolar  ustida  muhokama  yuritish, 

munozaraga kirisha bilish ko‘nikmalarini shakllantirishga yo‘naltirilgan.