Урганч давлат унивeрситeти табиатшунoслик факулътeти

Ландшафтшуносликнинг юзага келиши ва ривожланиш тарихи
В.В. Докучаевнинг табиий компонентлар алоқадорлиги ва улар бир бутун мажмуа сифатида ўрганилиши кераклиги хақидаги ғоялари.
1913-1914 йиллардаги рус табиатшунос олимлари Л.С.Берг, Г.Ф.Морозов, И.М.Крашенинников, Р.И. Аболинларнинг Ландшафт хақидаги фикрлари. 1920-1940 йилларда бажарилган Б.Б.Полинов, И.В.Ларин, А.Д.Гожев, Л.Г.Раменский, Л.С.Берг кабиларнинг ишлари ва уларнинг ландшафтшуносликнинг ривожланишидаги ахамияти. Иккинчи жахон урушидан кейинги даврлардаги ландшафтшуносликнинг ривожланиши ва унда Л.С.Берг, Н.А.Солнцев, С.В. Калесникларнинг роли.
1950-1970 йиллардаги А.Г.Исаченко, Ф.Н.Мильков, В.С. Преображенский, Н.А. Гвоздецкий, Д.Л.Арманд, В.Б.Сочава ва бошқаларнинг ландшафтшуносликка қўшган хиссалари. 1970 йилдан сўнгги ландшафтшуносликнинг ривожланиши ва ундаги асосий йўналишлар. Ўзбекистон ландшафтшуносларининг қўшган хиссалари.


Ландшафт хакидаги асосий тушунчалар
Ландшафт-регионал бирлик тушунчаси (А.Г.Исаченко, С.В.Калесник фикрлари); ландшафт-типологик бирлик тушунчаси (Н.Гвоздецкий ва бошқалар); ландшафт-умумий тушунча (Ф.Н.Мильков фикри); В.А.Николаевнинг ландшафт хакидаги мулохазалари.


Ландшафтларнинг ички тузилиши
Ландшафт ташкил қилувчи омиллар ва ландшафтнинг таркибий қисмлари. Ландшафтларнинг морфологик тузилиши. Л.Г.Раменский, Б.Б.Полинов, Н.А.Солнцевларнинг ландшафт морфологиясига қўшган хиссалари. Фация ландшафтларнинг энг кичик морфологик қисми эканлиги. Фациянинг бир бутунлиги ва бўлинмаслиги. Фацияларнинг ўзига хос хусусиятлари. Уларни таснифлаш масалалари.
Урочишалар ландшафтларнинг асосий морфологик қисми эканлиги ва фацияларнинг йиғиндисидан иборатлиги. Оддий ва мураккаб урочишелар. Урочишаларни таснифлаш. Ф.Н.Мильковнинг “Ландшафт” ва “Жой тури” тушунчалари хакидаги фикрлари. Тоғ ландшафтлари хақида Г.П.Миллернинг фикри.
Ландшафтларнинг ички тузилишини тахлил қилишда турли моделлардан фойдаланиш. Ландшафт моделлари ландшафтларнинг таркибий қисмлари хамда морфологик қисмлари орасида бўладиган алоқадорликлар хақида умумий тасаввур хосил қилиши. Вертикал ва горизонтал, тўғри ва тескари алоқадорликлар, ижобий ва салбий алоқадорликлар ва х.к.