Urganch davlat universiteti pedagogika fakulteti psixologiya kafedrasi

Xulosa…………………………………………………………………………91

Foydalanilgan adabiyotlar ro‘yxati………………………………………...95

Ilovalar………………………………………………………………………..98

Kirish.

Mavzuning dolzarbligi. Bugungi kunda mamlakatimizda uzluksiz ta’lim tizimining yuqori bosqichi bo’lmish, oliy ta’lim tizimida Prezidentimiz tashabbusi bilan bir qator tub islohotlar amalga oshirilmoqda. Yetuk bilimli va yuksak saviyali kadrlar tayyorlash masalasiga davlat siyosati darajasida ahamiyat berilmoqda. Xususan Prezidentimiz Sh.M.Mirziyoyevning “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo’yicha qo’shimcha chora tadbirlar to’g’risida” gi 2018-yil 5-iyundagi PQ-3775-son qarori aynan shu masalaga qaratilgandir. Keyingi yillarda mamlakatimizda ijtimoiy-iqtisodiy rivojlanishning ustuvor yo’nalishlariga hamda xalqaro standartlar talablariga mos keladigan oliy ta’lim tizimini yaratish bo’yicha keng ko’lamli ishlari amalga oshirilmoqda. Hududlarda yangi oliy ta’lim muassasalarining tashkil etilishi, kadrlar tayyorlashning zamonaviy ta’lim yo’nalishlari va mutaxassisliklari hamda sirtqi va kechki bo’limlarning ochilishi, oliy ta’lim muassasalariga qabul kvotalarining oshirilishi mazkur yo’nalishdagi muhim islohotlar hisoblanadi.[1]

Mazkur islohotlar zamirida oliy ta’lim tizimida tahsil olayotgan talabalar, ayniqsa bakalavriat ta’lim yo’nalishida hozirgi kunda ta’lim oluvchi bo’lajak kadrlarning kasbiy salohiyatlarini oshirish masalasi ayniqsa dolzarb ahamiyat kasb etadi. Negaki talabaning kelgusida o’z mutaxassisligi bo’yicha yetuk kadr bo’lib yetishishi u to’rt yilda egallashi lozim bo’lgan nazariy va amaliy bilimlarning puxta egallanganligi bilan bog’liq. Afsuski hozirgi kunda talabalarning hammasini ham yetuk bilimli va yuksak saviyali bo’lajak kadr deb atash biroz mushkulroq bo’lsa kerak.