Urganch davlat universiteti magistratura bo’limi Biologiya (botanika va o’simliklar fiziologiyasi) yo’nalishi I bosqich magistranti Rustamova Gulibonuning kurs ishi mavzu

Mavzuning dolzarbligi. Yangi va istiqbolli g’o’za navlarini har bir iqlim tuproq sharoitiga moslab tanlash, ularning agrotexnologiyasini o’rganish hozirgi kunning eng muhim masalalaridan biri hisoblanadi. PSU va EAITI Xorazm TS tomonidan yaratilayotgan g‘o‘za navlari o‘zining tezpisharligi, serhosilligi, sho‘rga chidamliligi va tolasining sifati bo‘yicha boshqa navlardan ajralib turadi. Bizning oldimizdagi vazifa bu istiqbolli navlardan yuqori va sifatli paxta xomashyosi yetishtirish uchun ularning sug’orish tartibini tola chiqishi va sifatiga ta’sirini o’rganish.
Muammoning o’rganilganlik darajasi. Nav yaratish bilan birga paxtadan ko’proq tola chiqishi va tola sifatini yaxshilashda agrotexnik tadbirlarning ahamiyati to’g’risida qator olimlar ishlashgan Mavzu bo’yicha respublikamizning yetuk olimlari hozirga qadar bir qator ilmiy tadqiqotlar olib borishgan. (N.N.Nazirov, R.R.Raxmanov, G.Satipov, E.Samandarov, I.Ismayilova, A.M.Grodzinskiy va boshqalar) ilmiy ishlar olib borishgan va olingan natijalarga asoslanib o’z fikrlarini bayon etishgan. Bu olimlar tomonidan turli-iqlim sharoitlarida tajribalar olib borilgan, ijobiy natijaga erishilgan va ishlab chiqarishga ilmiy tavsiya berilgan.
Mazkur muammo qator olimlar tomonidan ishlab chiqilgan, biroq ularning ishlarida, Xorazm viloyatida aynan biz o’rganayotgan istiqbolli g’o’za navlarining sug’orish tartibini tola chiqishi va sifatiga ta’siri yetarlicha o’rganilmagan.
Tadqiqotning maqsadi. “Xorazm-127” g’o’za navlarining sug’orish tartibini tola chiqishi va sifatiga ta’sirini o’rganish va ulardan ilmiy xulosalar chiqarishdan iborat.
Tadqiqotning vazifasi. Tadqiqot davomida quyidagi vazifalarni hal qilish ko’zda tutilgan:

• 
  Xorazm viloyati sharoitida ekilayotgan istiqbolli g’o’za navlavlarining hosildorligiga ko’chat qalinligi, suv berish tartibi, o’g’it me’yorining ta’siri;
  
• 
  Xorazm viloyatida ekilib kelinayotgan istiqbolli g’o’za navlarini nazorat varianti sifatida olib, istiqbolli g’o’za navlaridan mo’l va sifatli paxta xomashyosi yetishtirish;
  
• 
  sug’orish tartibini tola sifati va moydorligiga ta’sirini qiyosiy o’rganish va ulardan ilmiy xulosalar chiqarish;
  
• 
  mavzuga oid asosiy adabiyotlarni o’rganish va taxlil qilishdan iborat.