Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

19-topshiriq. DARSDA O`QUVCHLAR BILIMINI ANIQLASH YUZASIDAN KUZATISH O`TKAZING
Kuzatish uchun savollar:
1) Bilimni aniqlash darsda qanday o`rinni egallaydi? O`quvchilar bilimini aniqlash uchun o`qituvchi qancha vaqt sarflaydi? Qancha o`quvchilardan so`radi? Qanday baholadi?
2) O`qituvchi o`quvchilar bilimini tekshirish uchun qaysi shakllardan (frontal so`rash, individual so`rash, o`quvchilarning mustaqil ishi, sharxli mashqlar) foydalanadi?
3) O`qituvchi savollarining shaklini qayd qiling. Ular bilish faoliyatining qanday turini keltirib chiqaradi? Qanaqa savollarga to`laqonli aniq javob berilmadi?
4) Bilimni tekshirish jarayonida o`qituvchi bilan o`quvchi orasida qanday munosabat uslub mavjud? Bilimga qo`yiladigan baho qanday amalga oshiriladi? O`qituvchi qanday baholash mulohazasini (ijobiy, salbiy, neytral) hammadan ko`proq ishlatdi? O`qituvchining baholash mulohazalaridan misollar keltiring. Savol-javob paytida bular o`quvchilarning faolligini oshirishga qanday ko`mak berdi?
5)Savol-javob va boshqa tekshirish metodlarini mu-kammallashtirishga hamda maktabning o`quv jarayonida qo`yiladigan yangi talablar nuqtai nazaridan turib bilimni baholashga qanday takliflarni kiritish mumkin?
20-topshiriq. UYGA VAZIFA BERISH YUZASIDAN KUZATISH OTKAZING
Kuzatish va tahlil uchun savollar:
1) Uyga vazifa berish o`qituvchi tomonidan qachon, darsning qaysi bosqichida amalga oshiriladi? O`qituvchi tomonidan tanlangan vaqt qanchalik maqsadga muvofiq?
2) Uy vazifasi o`z shakli va mazmuniga ko`ra qanday xarakter kasb etadi? U yangi materialni o`rganish va uni mustahkamlash bilan qanday bog`lanadi? O`qituvchi uyga berilgan vazifa bo`yicha o`quvchilarga qanchalik batafsil va to`la-to`kis yo`llanma beradi?
3) Uy vazifasining ko`lamini baholang. Kuchli va kuchsiz o`quvchilarning uy vazifasini qancha vaqtda bajarishi haqida fikrlarini aniqlang. O`zingiz topshiriq qilib ko`ring va uni bajarishga qancha vaqt sarflaganligingizni e'tiborga oling.
4) O`qituvchi uy vazifasining xarakterini aniqlashda ayrim o`quvchilarning qiziqish va mayllarini qanday hisobga oladi? O`quvchilarning tayyorgarlik darajasini hisobga oladimi?