Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

Quyidagi hadislarni o’rganing va sharhlang:
1. Ey Rasululloh, «Men yaxshilikni kimga qilsam bo’ladi?» Rasululloh: «Uch karra onangga, keyin otangga va yaqin bo’lgan qarindoshlaringga».
2. Rasulullohdan «Insonlarga berilgan fazilatlaning eng yaxshisi nima?» — deb so’rashdi. Rasululloh: «Insonlarga berilgan fazilatlarning eng yaxshisi yaxshi axloqdir», dedilar.
3. Rasululloh: «Qiyomat kuni menga eng yaqin bo`luvchilar xalqqa (axloqda) yoqimliroq bo`lganlardir».
4. «Ogoh bolinglar! Gunohlarning eng kattasi Olloh Taologa shirk keltirish, ota-onaga oq bo’lish va yolg’on gapirmoq, tuhmat qilmoqdir».
5. «Zino, mast qiladigan ichimliklarni ichish va o’g’rilik — o’taketgan qabih ishlar bo’lib, oxiratda ham, bu dunyoning o’zida ham jazosi belgilangandir».
Bilib qo’ying!
Abu Iso Muhammad at-Termiziy 824-yili Termiz yaqinidagi Bug` (hozirgi Sherobod tumani) qishlog’ida tug’ilgan.
Imom at-Termiziy Imom al-Buxoriyga shogird bo’lgan. Uning eng katta asari «Sunan» bo’lib, bugungi kunda shoir Mirzo Kenjabek tomonidan «Sunani Termiziy» nomi bilan o’zbek tiliga o’girilgan va nashr qilingan (2- jilddan iborat).
Umrining so’ngi yillarida at-Termiziy ko’zlari ojiz bo’lib qoladi va 892 yili ona shahri Termizda vafot etadi.
Imom at-Termiziyning «Sunan» kitobida keltirilgan hadislardata’lim-tarbiya, axloq-odobga oid fikrlar ko’p uchraydi. Chunonchi, u insonda yaxshilik fazilatlarini takomillashtirishni quyidagi hadislarda bayon etadi: «Olloh nazdida eng yaxshi do’st deb doimo xayrli ishlarni qilib yuruvchi kishilarga aytiladi». «Olloh nazdida eng yaxshi qo’shni o’z qo’shnilariga yaxshilik qilguvchidir», «Odamlarga shukur aytmaydigan kishi Ollohga ham shukur qilmaydi».
Imom at-Termiziy to’plagan hadislari orasida axloq-odobga, marhumlarga hurmat ruhida tarbiyalashga da’vat kuchli: «Chinakam sabr-toqat deb musulmon kishining musibat yuz bergandagi chidamliligiga aytiladi», «Haqiqiy mo’min deb xushxulq va ayoliga nisbatan xushmuomala kishiga aytiladi».
Umuman, Imom at-Termiziyning ma’naviy qadriyatlarga doir merosi, axloq-odob va ta’lim-tarbiyaga doir qarashlari, dunyoqarashini o’rganishda va ulardan hozirgi ta’lim - tarbiyada foydalanishda u to’plagan hadislar va «Sunan» kitobining ahamiyati g’oyat katta.