Urdu tabiiy fanlar fakulteti Biologiya guruhi talabalari bilan o‘tkazilgan ma’naviy-ma’rifiy tadbirning bayonnomasi

UrDU Tabiiy fanlar fakulteti Biologiya guruhi talabalari
bilan o‘tkazilgan ma’naviy-ma’rifiy tadbirning
BAYONNOMASI
14 fevral 2022 yil
Qatnashdilar:Tabiiy fanlar tyutori Jumaniyozova Malohat, Babadjabova Umida Allaberganova Farog‘at, Biologiya 208-guruh talabasi Karimova Gulnoza, Biologiya 198- guruh talbasi Ho‘sinova Gulasal, Biologiya 194- guruh talabalari Madaminov Sulaymon, Nurullayev Davron va biologiya yo‘nalishidagi boshqa talabalar.
KUN TARTIBI:
Eshitildi:
Zahiriddin Muhammad Bobur tavallud kunini bayram shaklida nishonlash.

Tabiiy fanlar tyutori Jumaniyozova Malohat so‘zga chiqib Zahiriddin Muhammad Bobur tavalludining 539 yilligi to‘g‘risida ma'lumotlar aytib o‘tdi. Zahiriddin Muhammad Bobur she'riyati va ijod namunalari haqida nutq so‘zladi.

Keyingi navbatda Tabiiy fanlar fakulteti tyutori Allaberganova Farog‘at so‘zga chiqib Zahiriddin Muhammad Boburning yoshlik davrida o‘qigan ilmlari, unga ta'lim bergan ustozlari, yosh Boburni boshiga tushgan og‘ir sinovlar haqida qisqacha ma'lumotlar berib o‘tdi. Keyingi navbatda Biologiya 208- guruh talabasi Karimova Gulnoza Zahiriddin Muhammad Bobur qalamiga mansub bo‘lgan asarlarda parchalar aytib o‘tdi. Bobur Mirzoni hozirda bizgacha yetib kelgan asarlari soni, ularni mazmun mohiyati haqida ma'lumotlar berdi. Biologiya Yo‘nalishi 194-guruh talabalari Madaminov Sulaymon va Nurullayev Davronlar ham Bobur qalamiga mansub she'rlardan parcha aytdilar va Bobur Mirzo va uning ayonlari ro‘lida sahna ko‘rinishlari ham namoish qildilar. Bunda faol qatnashgan talabalarga alohida minnatdorchilik bildirdi. Tadbir juda qiziqarli va maroqli tarzda davom etdi. Biologiya yo‘nalishidagi boshqa talabalari ham birin ketin Zahiriddin Muhammad Bobur qalamiga mansub bo‘lgan g‘azallarni ifodali tarzda o‘qib eshittirishdi. Zahiriddin Muhammad Boburni yoshlik davrida ilm olishga bo‘lgan qiziqishlari va intilishlari haqida suhbatlar bo‘lib o‘tdi. Talabalar tomonidan Zahiriddin Muhammad Boburning Hindistonda shohlik qilgan davrlari, u paytda o‘z yurtiga bo‘lgan sog‘inchi va iztiroblari haqida qiziqarli sahna ko‘rinishlari namoishlari ham bo‘lib o‘tdi. Tadbir davomida 198-guruh talbasi Ho‘sinova Gulasal Bobur qalamiga mansub bo‘lgan g‘azallardan ifodali qilib o‘qib berdi. Talabalar o‘tkazilgan tadbir bo‘yicha o‘z fikr-mulohazalarini savol-javoblar aytib o‘tishdi va yana boshqa mavzularda ham tadbirlar qilishni va ularni ham chiroyli bo‘lishini aytib o‘tishdi.
Tadbir yakunida tabiiy fanlar tyutori Jumaniyozova Malohat va Allaberganova Farog‘at barcha talabalarga minnatdorchilik bildirdi.
Yig‘ilishda ko‘rib chiqilgan masalalar yuzasidan
QAROR QILADI:
1. Universitetda o‘tkazilgan “Zahiriddin Muhammad Bobur tavallud kuni” tadbiri muvaffaqiyatli amalga oshirilganligi ma’lumot uchun qabul qilinsin.
2. Tabiiy fanlar tyutori Jumaniyozova Malohat, Babadjonova Umida va Allaberganova Farog‘at rahbarligida talabalar bilan turli ma’naviy-ma’rifiy mavzularda tadbirlar va uchrashuvlar o‘tkazish reja asosida amalga oshirilsin.