Уразбаев е sport formasi va uning qonuni

 
39 
3.Ilmiylik, asoslilik va ishonchlilik. Testning qo`llanishi kasb 
chizmasining (sportogrammaning) qanadaydir aniq jihatlariga asoslangan bo`lishi 
kerak. Aynan qanday jihat o`rganilayotgani va nima uchun uni baholash lozimligi 
tushunarli bo`lishi shart. Olingan ma`lumotlar ilmiy tahlil qilinadi hamda muayyan 
ilmiy qoidalar bilan bog`liq ravishda talqin etiladi. 
4.O`ziga xoslik va tabaqalashtirilganlik. Tanlangan usuliyat ma`lum bir 
jihat, ma`lum sifat, ma`lum sifatlar guruhiga yo`naltirilgan bo`lishi kerak. 
Tanlangan test bilan boshqa sifatlarni o`rganishga yo`naltirilgan testlarning 
natijalari orasida bog`liqlikning kamroq bo`lgani ma`quldir. 
5.Test asosida baholanishi lozim bo`lgan sifatlarga aynan o`xshashlik, 
qo`llanadigan test bilan o`rganilayotgan bo`limning ularning ruhiy tuzilishiga 
munosabatdagi umumiyligi. 
6.Testning yuqori darajada standartlashtirilishi bilan tavsiflanuvchi xolislik 
(ob`ektivlik). Tekshiruv sharoitlari shunday bo`lishi kerakki, testning natijalariga 
hech qanday boshqa omillar ta`sir ko`rsatmasin (tajriba o`tkazuvchining o`ziga xos 
xislatlari, tekshiriluvchining kayfiyati, asbob-uskunalar yo`l qo`ygan xatolar va b.) 
Tajriba o`tkazuvchi, ayniqsa, test natijalarini yozish vaqtida oldindan chiqarib 
qo`ygan qarori asosida ish ko`rmasligi lozim. Har bir test bo`yicha tajriba 
o`tkazuvchi va tekshiriluvchi nimalar qilishi va nimalarni gapirishi aniq belgilab 
qo`yilgan maxsus ko`rsatmalar tayyorlanishi shart. 
7.Haqqoniylik. Miqdoriy o`lchashlar nihoyatda xolis va aniq qilib 
o`tkazilishi kerak. 
8.Testlarni miqdoriy baholash usullarini pedagogik kuzatuvlar natijalari, 
axloqiy reaktsiyaning bahosi, suhbatlar asosida olingan ma`lumotlar, tavsifnomalar 
hamda so`rovnomalar bergan axborotlar tahlili bilan uyg`unlashtirish. 
9.Samarali tashqi mezonlarning (ya`ni testlash natijalari bilan taqqoslash 
mumkin bo`lgan amaliyot mezonlari) mavjudligi. 

---