Уразбаев е sport formasi va uning qonuni

 
30 
Sportda ruhiy saralash muammosining echimi ham yosh sportchining «qalbini 
to`ldirishi», unga shodlik keltiradigan faoliyat «ato etishi», uning eng yaxshi 
sifatlarini rivojlantirib, hayotda hamda sportda yuksak cho`qqilarga chiqa olishi 
uchun zamin hozirlashi zarur. Sportda ruhiy-tashxislashning tavsiya etilayotgan 
usuliyatlari bunda pedagogga yordam beradi. 
Ruhiy-tashxislashga doir materiallar pedagogga o`quv-tarbiya ishlarida, 
trenerga mashg`ulotlarni tashkil etish hamda tarbiya jarayonida shogirdlarga 
alohida yondashishni ta`minlash imkonini beradi. 
O`rgatish jarayonida sportchining xotirasi, tafakkuri, diqqati qanday 
rejalashtirganligi to`g`risidagi axborotlar uni aqliy jihatdan o`stirishning maqbul 
yo`llarini belgilash, o`quv materialini yanada yaxshiroq o`zlashtirishni ta`minlash 
uchun sharoit yaratadi. Sport mashg`ulotida sportchining o`ziga xos xususiyatlarini 
chuqur bilish yuqori natijalarga erishishning bir yo`lidir. Tarbiyalanuvchining 
bunday xususiyatlari haqidagi ma`lumotlar uning uchun alohida faoliyat uslubini 
tanlab olishga yordam beradi. Ikkinchi tomondan, masalan, tarbiyalanuvchidagi 
asosiy asab jarayonlarining nisbatan bo`shligini hisobga olish murabbiyga o`z 
ta`sir kuchini maqbullashtirish, keskin choralarni suiiste`mol qilmaslikda 
ko`maklashadi, chunki bu ishning ravon borishiga halal berishi va, umuman, ruhiy
jarayonlarning himoya sifatidagi susayishi asosida umumiy sustlik holatini yuzaga 
keltirishi mumkin. 
Ruhiy tashxislash ma`lumotlari, shuningdek, tarbiya va o`rgatish 
samarasini tavsiflaydigan hamda o`z vaqtida o`zgarishlar kiritishga imkon 
beradigan teskari aloqa vositasi bo`lib qolishi ham mumkin. 
Ruhiy-tashxislash ma`lumotlariga tayanib, hamda uning natijalarini 
mahorat bilan tahlil etgan holda aqliy sifatlarda maqsadga erishishni tashkil etish 
jarayoni: rejalashtirish, bashorat qilish, nazorat, tahrir etish va h.k.ni o`rganish 
zarurligini, ular pedagogik baholashni tobora maqbullashtirish yo`llarini belgilab 
berishi aniqlandi. Faqat natijani emas, tarbiyalanuvchi unga qanday etib 

---