Уразбаев е sport formasi va uning qonuni

 
64 
natijalariga va sportning rivojiga ta`siri bu qadar yorqin ifodalangan ulkan 
miqyoslarga erishmagan edi. 
«Yuqori natijalar» sportining rivojlanib ketishi, uning «imkoniyatlar 
chegarasiga yaqin natijalar» sportiga aylanishi mutaxassislar, trenerlar, olimlarda 
sportchilarni tayyorlash jarayoniga nisbatan ilgaridan shakllanib qolgan qarashlar, 
ruhiy ko`nikmalarning sezilarli o`zgarishini nazarda tutadi. Nazariyada ham, 
amaliyotda ham odat bo`lib qolgan ko`pgina tasavvurlar, an`analardan voz kecha 
bilish, sportchilarni tayyorlash jarayoni uchun uning ijtimoiy va biologik jihatlari 
orasidagi haqiqiy nisbatlarni aks ettiruvchi tamoyillarni asos qilib olish kerak. 
Bu tamoyillarning metodologik asosi sifatida dunyoning moddiy birligi 
to`g`risidagi qonunni qabul qilish, nazarimizda, eng to`g`ri yo`l bo`ladi. 
Tuzilishiga ko`ra, sportchilarning mashg`ulot tizimi ularni tayyorlash tizimining 
bir qismidir, demak, bu ikki tizim orasidagi o`zaro ta`sir jarayonida butun bilan 
qismlar orasidagi o`zaro ta`sirga xos bo`lgan qonunlar amal qiladi, umumlashtirib 
aytadigan 
bo`lsak, 
bu 
subordinatsiya 
(qismning 
butunga 
bo`ysunishi), 
koordinatsiya (muvozanat) va korrelyatsiya (munosabatdorlik) qonuniyatlaridir 
(o`zaro aloqadorlik tartibi, qismlarning o`zgarish xususiyatlari). 
Sportchilarni tayyorlash va ularga rahbarlik qilish jarayonining rivojlanish 
darajalari orasidagi optimal muvofiqlik, shuningdek, sportchilarni tayyorlash 
jarayonining ijtimoiy va biologik jihatlari bilan sport-texnika natijalarining o`sish 
sur`ati orasidagi o`zaro ta`sir tamoyillari asosiy metodologik tamoyillar 
hisoblanishi lozim. Hozircha bunday muvofiqlikka erishilgani yo`q, faqat 
sportchilar tayyorlash jarayonidagi u yoki bu jihatlarning ko`proq yo`naltirib 
rivojlantirilishi haqida so`z yuritish mumkin. 
Sportchilarni tayyorlash tizimi bilan uning tizimchalarini bir butun hodisa sifatida 
tadqiq etish, uni sport-texnik natijalar o`sishining eng muhim zahirasi deb 
hisoblash, butunlikka boshqaruvning alohida vazifasi sifatida qarash katta 
ahamiyatga ega. 

---