Уразбаев е sport formasi va uning qonuni

 
62 
Ko`rsatilgan talablarning so`nggisini alohida ta`kidlash kurak, chunki oxir-
oqibat dastlabki ikki talabning bajarilishi ham unga bog`liq. Sportchilarni 
tayyorlash tizimini rivojlantirishning ijtimoiy jihatlarini hal etish, shuningdek, 
sportchining birinchi jihat hal etilishi bilan uzviy aloqada bo`lgan o`z 
qobiliyatlarini rivojlantirish hamda takomillashtirish imkoniyatlariga qarab mo`ljal 
olish ilmiy sport nazariyasining yaxlitlik xususiyati zaruratini shart qilib qo`yadi. 
Sport taraqqiyotining hozirgi zamon sharoitida sport mahoratining 
shakllanish jarayoni (sport –texnika natijalarining o`sish sur`ati) sportchilarni 
tayyorlash tizimining ahvoliga qanchalar bog`liqligi yaqqol ko`zga tashlanmoqda. 
Shuning uchun ham sportchilarni tayyorlash tizimining rivojlanishi jarayonida 
nimani qanday rejalashtirish, tashkil etish va boshqarishni bilish juda muhim. 
Boshqacha aytganda, sport to`g`risidagi fan oldida bugungi kunda 
keyinchalik bitta yaxlit vazifa - sport taraqqiyotini ratsional ravishda rejalashtirish, 
tashkil etish va boshqarish atrofida birlashishi zarur bo`lgan mutlaqo yangi 
muammolar qad ko`taryapti. 
Sportchilarni tayyorlash jarayonining ijtimoiy jihatlari deganda biz 
rivojlantirish, tashkil etish va uning rivojini boshqarishni tushunamiz: biologik 
jihatlar jismoniy mashqlar ta`sirida sportchi organizmining holatidagi ruhiy-
jismoniy o`zgarishlar demakdir. Sportchi mashg`ulot tizimining bir unsuri 
(elementi) ekan, tayyorgarlik tizimi sportchiga nisbatan tabiiy omillar singari atrof-
muhit bo`lib hisoblanadi. Shuning uchun ayrim olimlar sportning rivojlanishida 
amal qiluvchi qonunlarni, shuningdek, sportchilarning tayyorgarligi jarayonidagi 
ijtimoiy hamda biologik jihatlarning o`zaro ta`siri qonuniyatlarini yaxlit holda 
o`rganish va hisobga olish zarurligi to`g`risidagi masalani kun tartibiga qo`yar 
ekanlar, ular batamom haqlar. 
Sportchilarni tayyorlash tizimida unsurlar rivojlanishining o`zaro bir-birini 
taqozo etish qonuni uni rivojlantirish bo`yicha yaxlit qarorlar qabul qilinishini 
talab etadi. Sportchilarni tayyorlash jarayonida yuz berayotgan o`zgarishlar tahlili 

---