Уразбаев е sport formasi va uning qonuni

 
63 
yana bir qonuniyat - sport-texnik natijalarning o`sish sur`atiga ijtimoiy omillar
ta`sirining kuchayishini keltirib chiqaradi. 
Sportchilar tayyorgarligi jarayonida ijtimoiy hamda biologik jihatlarning 
o`zaro ta`sirida ko`rsatilgan qonuniyatlar hisobi yuqori malakali sportchilarni 
tayyorlash ishida orientatsiyani mohiyatan o`zgartirib yuborishi mumkinligini 
payqash qiyin emas. 
Sportchilarning mashg`ulot tizimini, uning tibbiy-biologik jihatini 
takomillashtirish bilan bog`liq bo`lgan biologik omil har doim birdan-bir 
o`zgaruvchan (dinamik) omil hisoblangan. Bu esa sport-texnika natijalarining 
o`sish sur`ati mashg`ulot usuliyatini yaxshilash, yuklama hajmining o`sishi va x.k., 
ya`ni sportchi organizmining ruhiy-jismoniy holatidagi o`zgarishlarga bog`liq 
barcha narsalar bilan tobora mustahkamlanib boruvchi aloqada ekanligini ta`kidlab 
ko`rsatadi. 
Biroq sport-texnik natijalardagi o`sish sur`atlarining ortib borishi va shunga 
muvofiq ravishda sportchilarni tayyorlash tizimining kuchayib borayotgan 
rivojlanish sur`atlari to`g`risidagi mulohazalardan kelib chiqib, biz sport (yuqori 
natijalar sporti) rivojlangan hozirgi sharoitda sport-texnik natijalar o`sish 
sur`atining uni rejalashtirish, tashkil etish va boshqarish ishlari holatiga bog`liqligi 
oshib boryapti, degan xulosaga kelamiz. Va buning hayron qolarli joyi yo`q, 
negaki sportchilarni tayyorlash jarayoni - bu yagona o`zgaruvchan (dinamik) 
ijtimoiy-biologik tizimdir. 
Yuqoridagi fikrlar nuqtai nazaridan sport-texnik natijalar darajasining 
sportchilarni tayyorlash tizimining amal qilishi va rivojlanishini boshqarish 
vazifalarini takomillashtirish sur`ati va xususiyatlariga optimal muvofiqligi 
to`g`risidagi qonun haqida to`xtalish o`rinlidir. 
Bu sportni rivojlantirishning yangi, endigina paydo bo`lgan qonuni emas. U 
ilgari ham amal qilgan, lekin yashirin shaklda, chunki sportchilarni tayyorlash 
jarayonining murakkabligi, ilmiy-texnika taraqqiyoti natijalarining sport-texnika 

---