Uo‘K: 62(075) kbk

13.11-rasm. Kichik diametrli quvurning birikma yuzasini payvandlash sxemasi.

Ikkinchi va uchinchi qatlamlar birinchi usul bilan, lekin teska- ri yo‘nalishlarda bajariladi. Bu hamma hollarda har qaysi keyingi qatlam oldingisini 10—15 mm qoplab turishi kerak.

Aylanmaydigan tutashma joylarni payvandlash. Quvurlarning aylanmaydigan tutashadigan joylari devorchalarining qalinligi
12 mm gacha bo‘lganida uch qatlam qilib payvandlanadi. Har qaysi qatlamning balandligi 4 mm dan oshmasligi, valikning eni esa elektrodning ikki-uch diametriga teng bo‘lishi kerak.
Diametri 300 mm dan ortiq bo‘lgan quvurlar teskari – bos- qichli usul bilan payvandlanadi. Har qaysi hududning uzunligi 150—300 mm bo‘lishi kerak, ularni yotqizish tartibi 13.12-rasmda ko‘rsatilgan.
Birinchi qatlam elektrodni ilgarilama-qaytma harakatlantirib, yoyni payvandlash vannasida biroz ushlab turib, hosil qilinadi. Tokning kattaligi 140—170 A qilib olinadi, bu esa tutashadigan joy qirrasini eritishga va ichki tomonda balandligi 1—1,5 mm li nozik valik hosil qilishga imkon beradi. Bunda payvandlanadigan qirralarga suyuq metalning yirik tomchilari tushmasligi va pay- vandlashda metall kuydirib yuborilmasligi kerak. Buning uchun yoy qisqa bo‘lishi, uni vannadan uzishda ko‘pi bilan 1—2 mm ga chetlatish lozim. Yondosh qatlamlarning boshi va oxiri bir-birini 20—25 mm qoplab turishi kerak.



13.12-rasm. Diametri 400 mm gacha bo‘lgan quvurlarning burilmay- digan birikma yuzalarini payvandlashda chok qavatlarini yotqizish sxemasi (raqamlar bilan hududlarni qavatlar bo‘yicha payvandlash tartibi, strelkalar bilan payvandlash yo‘nalishi ko‘rsatilgan).

Ikkinchi qatlamni payvandlash rejimi birinchi qatlamnikidek. Ikkinchi qatlamni payvandlashda elektrod bir qirraning chetidan ikkinchi qirraning chetiga qarab, ko‘ndalangiga tebranib turishi lozim.

Payvandlashda har qaysi qatlamning sirti botiq (13.13-rasm, a) yoki biroz qavariq bo‘lishi mumkin. Chokning haddan tash- qari qavariq bo‘lishi, ayniqsa, tepa holatda payvandlashda (13.13- rasm, d) payvandlanmay qolishlikka sabab bo‘lishi mumkin.