Uo‘K: 4(100) (075) kbk: 63. (0) R-17 Rajabov, Ravshan Jahon tarixi

1. Mamlakat va aholi. 2. Xronologiya va davrlashtirish.  

3. Qadimgi Xitoy tarixi manbalari. 4. Tarixnavislik, ar-

xeologik topilmalar. 5. Ibtidoiy jamoa tuzumining yemiri-

lishi, ilk davlatlarning shakllanishi. 6. Mil.avv. VIII–III asr-

larda Xitoy. 7. Sin, Xan davlatlari (mil.avv. III asr – milodiy 

III asr).

1. Mamlakat va aholi. Qadimgi Xitoy sivilizatsiyasi mil.avv. 

V–III ming yilliklarda Xuanxe daryosining o‘rta oqimida uzoq 

vaqt yopiq holda shakllandi. Mil.avv. I ming yillik o‘rtalaridan 

boshlab Yanszi daryosi havzasini ham qamrab oldi.

Xuanxe daryosi havzasi qadimda qalin o‘rmonlar bilan qoplan-

gan. Mil.avv. IV–II ming yilliklarda Xuanxening o‘rta oqimida 

karkidon, tapir, bambuk kalamushlari kabi hayvonlar mavjud 

bo‘lgan. Bambuk daraxti o‘sgan. Vodiyning yumshoq allyuvial 

tuprog‘i dehqonchilik uchun qulay shart-sharoit yaratdi. Mil.

avv. IV–III ming yilliklarda Xuanxe havzasida Yanshao madani-

yatini bu yerda yashagan paleosiyo aholisini siqib chiqargan 

protosinotibetliklar yaratganlar. Mil.avv. I ming yillikda Xuan-

xening o‘rta oqimida inlar va chjoularning o‘zaro ta’siri natijasi-

da qadimgi Xitoy etnosi vujudga keldi. Bu etnosning shaklla-

nishida shimolda yashagan paleosiyo va austroosiyo Janubiy 

Osiyo tillarida so‘zlashuvchi etnoslar ishtirok etganlar.