Universiteti tabiiy fanlar kafedrasi

g) Metropoliten stansiyalarida ehtimoli bo‘lgan favqulodda vaziyatlar.
Fuqarolarning nobud bo‘lishiga, turli xil tan jarohatlari olishiga olib keladi, qolavyersa portlash va yong‘inlar sodir etilishi mumkin. Metropoliten stansiyalari va vagonlarning buzilishiga olib keladi.
Kelib chiqish sabablari: ko‘p yillardan byeri O‘zbekiston poytaxti Toshkent shahrida ikki yo‘nalishda yer osti poezdlari uzog‘imizni yaqin qilib kelmoqda. Uchinchi yo‘nalish 2001 yilda ochilgan bo‘lib, Yunus obod yo‘li nomi bilan yuritilib kelmoqda. Ushbu turdagi transportlarda, stansiyalarda favqulodda vaziyatlar hozircha sodir bo‘lmagan bo‘lsa ham, bo‘lishi ehtimoldan holi emas. Misol uchun Yaponiya davlatining Tokio shahrida bo‘lgan zaharli modda bilan bog‘liq favqulodda vaziyat yoki Moskva shahri metrosidagi hodisalar. Toshkent metrosining “Paxtakor” stansiyasining birinchi yo‘nalishdan ikkinchi yo‘nalishga o‘tish joylarida ertalabki va kechki gavjum vaqtning o‘zida minglab fuqarolarimiz to‘planadi.
Favqulodda vaziyatlarni oldini olish chora-tadbirlari:
1. Rejaviy-profilaktik ko‘rik;
2. Texnik ta’mirlash tadbirlarini vaqtida o‘gkazish;
3. Texnik nosoz transport vositasidan foydalanmaslik;
4. Barcha turdagi yo‘l harakati qoidalariga rioya qilish;
5. Haydovchilarning, tarmoq xodimlarining ish yuzasidan bilim malakalarini oshirib borish;
6. Yo‘l tarmoqlarini meyoriy talab darajasida saqlash;
7. Metro ichidagi telemoslamalarda muhofazalanish to‘g‘risidagi qisqa videolavhalar ko‘rsatib borish;
8. Qonunning tarmoqqa aloqador qismlariga so‘zsiz amal qilish.
Aholini muhofaza tadbiri: O‘zbekiston Respublikasi favqulodda vaziyatlarda ularning oldini olish va harakat qilish davlat tizimi to‘g‘risida Vazirlar Mahkamasining 23.12.1997 yildagi 558-sonli qaroriga muvofiq “O‘zbekiston Respublikasi sanoatda va konchilikda ishlarning bexatar olib borilishini nazorat qilish davlat qo‘mitasi”ga , “Kon, ruda, kimyoviy, neft va gaz qazish hamda qayta ishlash sanoati” va “Toshmetroqurilish ob’ektlarida ishlarning olib borishning ahvoli va xavfsizligi ustidan davlat nazoratiga rahbarlik qilish” ishlari yuklatildi. Bundan tashqari, “Toshmetroloyiha” instituti, “Toshkent metropoliten boshqarmasi” ekspluatasiyasi uchun mas’ul huquqiy shaxslardir.