|
Transportdagi avariyalar va halokatlar, avariyalarni oldini olish
chora-tadbirlari
a) Havo transportidagi avariya va halokatlar.
O‘zi bilan birga yo‘lovchilarni, ekipaj a’zolarini halok bo‘lishiga olib keladi, havo transportlarini portlashiga, yonishiga, buzilishiga, yer yuzidagi binolarni va boshqa xalq xo‘jaligi ob’ektlarini buzilishiga olib kelib, turli darajadagi qutqaruv, qidiruv va tezkor yordam ishlarini olib borishni talab etadigan holat.
Kelib chiqish sabablar: uchuvchi apparatlarning biror - bir qismlarini ishdan chiqishi, boshqaruv tizimining, ta’minotning, aloqa tizimidagi nosozliklar, ob - havoning noqulayligi, axborot beruvchi distpetcherlarning ayblari bilan sodir etilishi mumkin.
Favqulodda vaziyatlarni oldini olish bo‘yicha chora-tadbirlar:
1. Rejaviy-profilaktik ko‘rik va ta’mirlash ishlarini o‘z vaqtida o‘tkazilishi;
2. Hizmat muddati qoidalari talablariga rioya qilish;
3. Boshqarish va aloqa tizimlarining ish sifatini oshirish;
4. Xodimlarninig bilimi va tajribasini oshirib borish.
Aholini muhofaza tadbiri: O‘zbekiston Respublikasi favqulodda vaziyatlarda ularning oldini olish va harakat qilish davlat tizimi to‘g‘risida Vazirlar Mahkamasining 23.12.1997 yildagi 558-sonli qaroriga muvofiq “O‘zbekiston Havo Yo‘llari” milliy avivkompaniyasiga va unga qarashli “Avariya – qutqaruv va qidiruv hizmatlari”ga Aviasiya texnikasidan avariyasiz foydalanish va parvozlar xavfsizligi bo‘yicha tadbirlarni tashkil etish va amalga oshirish vazifasi yuklatildi. Bundan tashqari soha xodimlarining muhofazalanish kafolatlari byerilgan qonun moddalari yordamida ham amalga oshiriladi.
b) Temir yo‘ldagi avariya va halokatlar.
Temir yo‘ldagi avariyalar - tabiiy ofatlar natijasida, shuningdek texnika ekspulatasiyasi, texnologik jarayonlar, sifatsiz mexanik ta’mirlanishi, ayrim shaxslarning intizomsizligi va nazorat yo‘qligi oqibatida vujudga kelishi mumkin. Ular ham o‘z navbatida katta vayronalarga, yong‘in kelib chiqishiga, portlashlarga, kuchli ta’sir qiluvchi zaharli moddalar bilan zararlanishlarga, poezdlar va temir yo‘llarning buzilishiga, odamlarning halok bo‘lishiga olib kelishi mumkin.
Ko‘rinishi: Ushbu transport turida uchraydigan favqulodda vaziyat, yong‘inlar - portlashlarga, yo‘nalishdagi vagonlarning ishdan chiqishiga, aholining, yo‘lovchilarning nobud bo‘lishiga vagonlaridagi davlat boyliklarining nobud bo‘lishiga, qolavyersa, sodir etilgan joylardagi aholi va hududlar turli darajada zarar ko‘rishiga, ayniqsa turli zaharli moddalar yuklatilgan vagonlarda sodir etilganda hududlarning va aholining zaharlanishiga olib keluvchi holat.
Kelib chikish sabablari: Asosan, temir yo‘llarning nosozligi, harakat tarkibining texnik nosozligi, aloqa vositalarining nosozligi, dispetchyer aloqa bog‘lovchi xodimlarning ahamiyatsizligi, sovuqqonliligidir. Ko‘pincha harakat tarkibining izlardan chiqib ketishi to‘qnashuvlar, chorrahalardagi to‘qnashuvlar, vagonlarda yong‘in va portlashlarning sodir etilishiga olib keladi. Turli suyuq portlovchi modalarni tashish hollarda, qolavyersa suv toshqinlarida, ko‘chkilarda sodir etilish ehtimollari bor. Eng katta xavf tug‘diruvchi favqulodda vaziyatlar yonuvchan, portlovchi, turli zaharli moddalarni tashuvchi yuk sistyernalarda, yuk poezdlarida sodir bo‘ladigan voqealardir. Ushbu favqulodda vaziyatlarni bartaraf etish juda og‘ir. Shu boisdan ham ularni oldindan ogohlantirish ishlarini, kelib chiqish sabablarini bartaraf etish maqsadga muvofiq. Ushbu borada hududlarimizda va boshqa davlatlarda sodir etilayotgan favqulodda vaziyatlar juda ko‘p.
Favqulodda vaziyatlarni oldini olish chora-tadbirlari:
1. Rejaviy-profilaktik ko‘rik va texnik ta’mirlash ishlarni o‘z vaqtida o‘tkazish;
2. Transport turini ishlatish muddati qoidalari talablariga amal qilish;
3. Boshqarish va aloqa tizimlarining ish sifatini oshirish;
4. Dispetcherlik xizmatini yaxshilash;
5. Xodimlarning bilimi va tajribasini oshirib borish.
Aholini muhofaza tadbiri: O‘zbekiston Respublikasi favqulodda vaziyatlarda ularning oldini olish va harakat qilish davlat tizimi to‘g‘risida Vazirlar Mahkamasining 23.12.1997 yildagi 558-sonli qaroriga muvofiq “O‘zbekiston temir yo‘llari” davlat aksiyadorlik kompaniyasiga “Temir yo‘l transport vositalaridan avariyasiz foydalanish, tashish chog‘ida portlovchi, yong‘indan xavfli bo‘lgan yuklar va kuchli ta’sir qiluvchi zaharli moddalar xavfsizligini ta’minlash tadbirlarini tashkil etish va amalga oshirish” vazifalari yuklatiladi.
Do'stlaringiz bilan baham: |
