Universiteti geografiya kafedrasi 5610200-Mexmonxona

Namangan viloyati ekotizimlari: tushunchasi, tasniflanishi va tavsiflanishi. Hozirgi kunda O‘zbekistonda 4000 tadan ortiq arxitektura, tarixiy va tabiiy yodgorliklar, go‘zal landshaftlar, xilma xil noyob o‘simliklar va hayvonot dunyosi mavjud. Bularning barchasi sayyohlarning respublikaga bo‘lgan qiziqishini yanada oshiradi.Lekin O‘zbekiston Respublikasida o‘rtacha turistik infratuzilma 19 foiz, Namangan viloyatida esa undan ham kam foizni tashkil etadi xolos. Shuning uchun ham milliy turistik infrastrukturaning sig‘imi va darajasini oshirish o‘ta dolzarb mummo hisoblanadi.

Umuman turistik infratuzilmaning imkoniyatlarini kengaytirish uchun, albatta, sayyohlik ob‘ektining mavjud holatini o‘rganish, uni baholash va istiqbol rejalarini tuzish lozim. Namangan viloyati ham mustasno emas.
Turizm sohasida mavjud muammolarni bartaraf etish maqsadida xalqaro sayyohlarning qiziqishlari va talablari darajasida qo‘shimcha xizmatlar ko‘rsatish tizimini yaratish hamda yangi turistik xizmatlar va mahsulotlar ishlab chiqarish bo‘yicha xorij investitsiyalari uchun loyihalar tayyorlash, jahon turizm bozorida O‘zbekistonni yoki uning alohida bir mintaqalarining reklama dasturlarini ishlab chiqish muhim ahamiyat kasb etmoqda. Bir qator ilmiy tadqiqotlar tahlili shuni ko‘rsatmoqdaki, jumladan, I.I.Pirojnik (1985), R. Davidov (1990), A.V.Drozdov (1999), S.R.Erdavletov (2000, 2016) kabi olimlarning fikricha davlat miqyosida turizmni rivojlantirish uchun avvalambor muayyan bir ma‘muriy yoki tabiiy birlikliklar doirasida ularning turistik va ekoturistik imkoniyatlarni o‘rganish, baholash va rivojlantirish imkoniyatlarini ochib berish kerak bo‘ladi.
―O‘zbekturizm‖ milliy kompaniyasining o‘tkazgan sotsiologik so‘rovnomalariga ko‘ra respublikamizga tashrif buyuriyotgan sayyohlarning 41foizi mamlakatimiz tabiati va uning
muhofaza etiladigan hududlarini borib ko‘rmoqchi ekanliklarini bildirganlar
O‘zbekiston hududini ekoturistik nuqtai nazardan o‘rganish XXI asrdan boshlangan. Har qanday ekoturistik amaliy faoliyat davlatning tegishli ekologik boshqaruviga doir siyosatidan kelib chiqadi. Namangan viloyati hokimining ―Namangan viloyatida turizm sohasini rivojlantirish dasturi to‘g‘risida‖gi 2016 yil 16 fevral‘dagi 60-son qarorida Angren-Pop temir yo‘lini ishga tushirili munosabati bilan viloyatda ekoturizmni rivojlantirish masalasi muhim vazifalar turkumidan joy olishi ta‘kidlab o‘tilgan.
Namangan viloyati nafaqat O‘zbekistonda, balki butun Markaziy Osiyo hududida o‘ziga xos takrorlanmas tabiiy manzaralarga egaligi bilan ajralib turadi. Viloyat geografik jihatdan Farg‘ona vodiysining shimoliy qismida joylashgan bo‘lib, u cho‘zilgan to‘rtburchakni eslatadi hamda g‘arbdan sharqqa tomon 130 km, shimoldan janubga 35 km.dan 80 km.ga qadar cho‘zilgan. Hududi 7,44 ming km² bo‘lib,O‘zbekistonning Farg‘ona vodiysi viloyatlari o‘rtasida hududi kattaligi jihatdan birinchi o‘rinda turadi. Viloyat shimol va shimoli-sharqdan Qirg‘iziston Respublikasining Jalolobod viloyati, shimoli-g‘arb va g‘arbdan Toshkent viloyati va Tojikiston Respublikasining So‘g‘d viloyati, janub va janubi-sharqdan Farg‘ona viloyatining Qo‘qon guruhi tumanlari hamda Andijon viloyati bilan chegaradosh