Universiteti abdullayeva zarnigorxon toxirjon qizi xorijiy tillarni o

Muammoning o‘rganilganlik darajasi:

O‘zbekistonda chet tillarni o‘qitish sifati va darajasini muntazam ravishda oshirish hamda xorijiy til o‘qituvchilarining malakasini oshirish o‘quv reja va dasturlarida ushbu jarayonni zamonaviy talablar darajasida takomillashtirishga alohida e'tibor qaratilgan. Ayniqsa, ta'limda xorijiy tillarni o‘qitishning psixologik jihatlarini va ularga nisbatan psixologik yondashuvlarni hamda zamonaviy talablarni hisobga olgan holda mutaxassislarning hamkorligida zarur o‘quv adabiyotlari, o‘quv-uslubiy qo‘llanmalar ishlab chiqilishi dolzarb masalalardandir.

Til o‘rganishning va uni o‘rgatishning psixologik o‘ziga xosligi chet tilidagi matnni idrok etish, chet tilidagi so‘zlarni xotirada saqlashi, o‘quvchilar chet tilini o‘zlashtirishi jarayonida ularning o‘zga tildagi tafakkuri kengayib borishini ta'minlashning psixologik jihatlarini bilishni talab qiladi. O‘qituvchi sinf o‘quvchilarining rivojlanishiga xos bo‘lgan psixologik xususiyatlarni o‘rganishi, o‘quvchilar aqliy taraqqiyotining psixologik qonuniyatlaridan xabardor bo‘lishi, o‘quvchining psixologik taraqqiyotiga faol ta'sir qiluvchi omillarni o‘rganishi ular bilan bo‘ladigan munosabatlar uchun zarur psixologik ma'lumotlarni o‘z ichiga oladi. Shu kungacha xorijiy tillarni o‘rganishda psixologik yondashuvlarga oid bir qancha ishlar amalga oshirilgan. Ulardan psixolog olimlar Red'kina L. V., Abdalina L. V. Zimnyaya I. A. Va boshqalar. Boshqa davlatlarda bu yo‘nalish bo‘yicha bir qator ilmiy tadqiqot ishlari olib borilgan lekin, bizning ta'lim tizimida ya'ni xorijiy tillarni o‘rganishning psixologik jihatlari yetarlicha o‘rganilmagan. Har qanday tilni o‘rganuvchi chet tilida mustaqil, erkin fikrlash doirasini kengaytirish, suhbatlarni to‘g‘ri tashkil eta olishga tezkorlik bilan erishishni hoxlaydi. Til o‘rganuvchilar xorijiy tilni o‘zlashtirar ekan o‘zga til bilan bog‘liq bir qator muammolar kelib chiqishi tabiiy. Shu boisdan xorijiy tillarni o‘rganishni sistematik ravishda aqliy mehnat bilan shug‘ullanishni talab qiladi, bu esa o‘z navbatida har qanday psixologik tusiqlarni yengish uchun psixologik bilimlarning yordamiga muhtoj bo‘lamiz.