Universiteti a. A. Pulatov voleybol nazariyasi va

22.1. O‘zbekistonda voleybol taraqqiyotini rivojlantirishga mas’ul davlat 
organlari
 
Respublikamizning barcha o‘quv yurtlarida voleybol eng ommaviy sport 
turlaridan biri bo‘lib hisoblanadi. Qishloqlarda, ho‘jalik jamoalarida, mahalla 
markazlarida, maktab va o‘quv yurtlarida faoliyat ko‘rsatayotgan ko‘pdan-ko‘p 
voleybol to‘garaklarida mazkur sport turi bilan shug‘ullanayotganlarning soni 
sanoqsizdir.

---

397 
Voleybol o‘quv mashg‘uloti sifatida barcha o‘quv yurtlarining o‘quv 
dasturidan joy olgan. Voleybolga bunchalik e’tibor kuchliligining sababi uning 
soddaligi va jismoniy tarbiya tizimda arzon, hammabop vosita ekanligidir. 
Umumiy ta’lim maktablarida voleybol sport turi o‘quv dasturiga dars sifatida 
kiritilgan. Ko‘p yillik tajribalar shuni ko‘rsatadiki, voleybolchilar mahoratini 
oshirish va malakali voleybolchilarni etishtirish maktab o‘quvchilarini mazkur 
o‘yin sirlariga maqsadga muvofiq rejaga asosan ommaviy o‘rgatish bilan 
bog‘liqdir. Maktab o‘quvchilari o‘z mahoratini davlat organlari bo‘lmish BO‘SM, 
olimpiya o‘rinbosarlari tayyorlash BO‘SMlarida yanada “chuqquroq” va kengroq 
takomillashtirishlari mumkin.
BO‘SM va shunga o‘xshash maxsus sport maktablari o‘z faoliyatlarini asosiy 
dastur va rejalashtiruv hujjatlari hamda O‘zbekiston Respublikasining “Jismoniy 
tarbiya va sport to‘g‘risida”gi Qonunga asosan amalga oshiradi.
Mahallalarda, turar joylarda, yotoqxona, dam olish uylari, oromgohlari, dala 
shiyponlari va sog‘lomlashtirish markazlarida voleybol to‘garaklarini tashkil qilish 
va mazkur sport bilan muntazam shug‘ullanish nafaqat barcha yoshdagi aholini 
jismonan takomillashtirishga 
yordam beradi, balki 
ularni salomatligini 
mustaxkamlaydi, bolalarni nojo‘ya ishlarga aralashuvlaridan qaytaradi.
Oliy o‘quv yurtlarida, kasb-texnika bilim maskanlari va harbiy qismlarda ham 
voleybol nihoyatda katta ahamiyatga ega. Oliy o‘quv yurtlarida voleybol 
birinchidan o‘quv dasturiga binoan mashg‘ulot sifatida joriy etilgan bo‘lsa, 
ikkinchidan shu o‘quv yurtlarining sport klublarida faoliyat ko‘rsatayotgan 
voleybol to‘garaklarida mashg‘ulotlar olib boriladi. Lekin yurtimizda voleybolni 
taraqqiy ettirish va ommalashtirish samaradorligi Davlat va Jamoat organlarining 
faoliyati bilan belgilanadi.