Universiteti a. A. Pulatov voleybol nazariyasi va

O‘quv trenirovka bosqichining 5 o‘quv yili. 
 
Texnik tayyorgarlik. 
Hujum va himoya texnikasini shakllantirishda 3 va 4 o‘quv yillarida 
qo‘llanilgan vositalar murakkablashtirilgan xolda takrorlanadi. 
Taktik tayyorgarlik. 
Hujum va himoya taktikasini shakllantirishda 3 va 4 o‘quv yillarida 
qo‘llanilgan vositalar modellashtirilgan tartibda takrorlanadi. 
Integral tayyorgarlik . 
3 va 4 o‘quv yillarida qo‘llanilgan barcha vositalar o‘quv o‘yini va musobaqa 
maqomida takrorlanadi.
 
Sport takomillashuvi va oliy sport mahorat bosqichlarida jismoniy, texnik, 
taktik va integral tayyorgarlik vositalari xolqaro model ko‘rsatgichlar 
yo‘nalishida qo‘llaniladi. Ushbu bosqichlarda o‘yin texnikasi va taktikasini “ 
charxlashga” modellashtirilgan o‘yin kombinatsiyalari, ish qobiliyatini tiklash, 
saqlash va oshirishga urg‘u beriladi. Bu bosqichlarda turli o‘yin “ 
amplua”lariga ixtisoslashgan o‘yinchilar mahoratini oshirishga ustunlik 
beriladi.
Belgilangan muddatlarda “ sport forma “ siga erishtirish, uni zarur 
muddatda saqlash masalasiga e’tibor qaratiladi. 
 
15.6. Psixologik tayyorgarlik 
Malakali sportchilar tayyorlash amaliyotida psixologik tayyorgarlik jarayoni 
ko‘p yillik sport trenirovkasining barcha bosqichlarida izchillik bilan 
tabaqalashtirilgan tartibda amalga ashirilishi o‘ta muhim ahamiyat kasb etadi. 
CHunki, sport ko‘nikmalariga o‘rgatish, ularni o‘zlashtirish va mukammallashtirish 
samaradorligi shug‘ullanuvchilar psixologik xislatlarining ( ong, diqqat, xotira, idrok, 

---

351 
iroda va h.) etarli shakllangan bo‘lishiga bog‘liqdir. Harakat ko‘nikmalari, ularning 
texnikasi va taktikasini o‘zlashtirish sur’ati ustivor jihatdan oddiy va murakkab 
reaksiya, diqqatning jamlanishi , mashqlar xususiyatlarini xotirada eslab qolish, 
ko‘rish kengligi va chuqurligi , vaziyatlarni payqash va farqlash, to‘g‘ri qaror qabul 
qilish va foydali natija keltiruvchi qarorni amalga oshirish imkoniyatlari bilan 
belgilanadi.
Zamonaviy voleybol musobaqalarida yuksak sport natijalariga erishish keskin 
raqobat ostida kechayotganligi isbot talab qilmaydi. O‘yinlarning har bir lahzasi o‘ta 
shiddatli va tezkor o‘zgaruvchan vaziyatlar ustunligi bilan farqla-nadi. Mashg‘ulot va 
musobaqalarga xos yuklamalar hajmi, shiddati va o‘yin mazmuni mukammal 
shakllangan jismoniy hamda funksional imkoniyatlarni talab qiladi. Faqat shunday 
imkoniyatlarga asoslangan yuksak texnik-taktik mahorat musobaqa taqdirini 
belgilaydi. Shu bilan bir qatorda bugungi voleybolning yana bir ustuvor xususiyatlari 
shundan iboratki, har bir o‘yinchi va jamoa jismoniy hamda texnik-taktik jihatlardan 
yuqori ko‘rsatkichlarga ega bo‘lsa-yu, lekin ularning psixologik imkoniyatlari zaif 
bo‘lsa, musobaqa davomida foydali natijaga erishish mushkul bo‘lishi ehtimoldan 
holi emas.
Binobarin, ko‘p yillik sport trenirovkasi jarayonida psixologik sifatlar va 
qobiliyatlarni shakllantirish masalasi boshqa tayyorgarlik turlari kabi ustuvor 
ahamiyat kasb etadi.
Psixologik tayyorgarlikning bosh maqsadi muhim psixik sifatlar – xotira, diqqat, 
hissiyot, tafakkur, ong, iroda, ko‘rish kengligi va chuqurligi kabi xislatlarni mustaqil 
mashq qildirishdan iborat bo‘lishi lozim. Bu borada shug‘ullanuvchilarda matonat, 
shijoat, qat’iyatlik, zukkolik, “makkorlik” va ixtirochilik fazilatlarini sayqal toptirish 
darkor.
Psixologik tayyorgarlik uzoq muddatli pedagogik jarayon bo‘lib, bunda psixik 
sifatlar nafaqat mashg‘ulot va musobaqa jarayonlarida o‘z holicha shakllanishi lozim, 
balki 
ular 
maxsus 
uslub 
va 
vositalar 
(mashqlar) 
yordamida 
alohida 
takomillashtirilishi zarur. 

---

352 
Voleybolchilarni tayyorlash amaliyotida psixologik tayyorgarlik quyidagi ikki 
yo‘nalishda olib borilishi odat tusiga kirgan: 
1) umumiy psixologik tayyorgarlik; 
2) muayyan musobaqaga maxsus psixologik tayyorgarlik.