Университетда катта ўқитувчи, доцент, профессор лавозимларини жорий этиш тартиби ва даъвогар-педагогларни (академик, илмий) лавозимларга ўтказиш тўғрисида

2021-2022 ўқув йили давомида фанлардан ўқув адабиётларни тайёрлаш ва нашр этиш режаси
(А.Исломов, С.Юлдашев)

Университетда яратилган ўқув адабиётлари ва янги 2021-2022 ўқув йили нашр режаси бўйича Таълим кафедраси мудири А.Исламов ахборот берди. Университетнинг стратегик режасига мувофиқ профессор-ўқитувчилар томонидан илғор хорижий адабиёт таржимаси ва миллий хусусиятларни инобатга олиб ўқув адабиётларини яратиш, фанлар бўйича адабиётлар таъминотини таъминлаш борасида ўтган 2020-2021 ўқув йилида тизимли тадбирлар амалга оширилди. Профессор-ўқитувчилар салоҳияти ва уларга яратиб берилган имкониятлар натижасида 6 номда дарслик, 12 номда ўқув қўлланма, битта амалий, битта илмий оммобоп қўлланма, битта дайжест ва учта монография тайёрланди.

Янги 2021-2022 ўқув йили нашр режасини шакллантириш ва ўқув адабиётларини нашрга тайёрлаш борасида кафедралар томонидан билдирилган таклифлар ўрганиб чиқилди. 2021-2022 ўқув йилида тасдиқланган ўқув режага мувофиқ ўқитиладиган фанлар бўйича замонавий адабиётларга эҳтиёж юқори бўлган 50 номдаги ўқув адабиётларини нашр режасига киритиш бўйича таклиф киритилди.


Юқоридагилардан келиб чиқиб, Кенгаш қарор қилади:

1. 
   2021-2022 ўқув йили давомида фанлардан ўқув адабиётларини тайёрлаш ва нашр этиш режаси бўйича А.Исломов ва С.Юлдашевлар томонидан берилган ахборот маълумот учун қабул қилинсин.
   
2. 
   Университетнинг 2021-2022 ўқув йили нашр режаси ___-иловага мувофиқ тасдиқлансин.
   
3. 
   Кафедра мудирларига:
   

Нашр режасига асосан ойлар кесимида нашрга топшириладиган адабиётлар рўйхатини шакллантириш ва ректоратга тақдим этиш;
Белгиланган муддатда ўқув, илмий адабиётларни тегишли ҳужжатлар билан топшириш вазифалари юклансин.

4. 
   Нашрга тавсия этилган адабиётнинг сифатига муаллиф шахсан жавобгарлиги белгилаб қўйилсин.
   
5. 
   Университетда профессор-ўқитувчилар томонидан тайёрланган ўқув адабиётларини Олий ва ўрта махсус таълим вазирлиги ҳузуридаги Мувофиқлаштирувчи кенгашга тақдим этишга маъсул этиб А.Исламов белгилансин.
   
6. 
   Ушбу қарор ижросини назоратини ўз зиммамда қолдираман.