Умурзоқов, А. Тошбоев

Суғориш меъёри деб, бир марта суғориш учун керак бўладиган сув миқдорига айтилади. Мавсумий суғориш эса, маълум экинни ўсиб ривожланиши давомида суғориш учун сарфланадиган сув миқдорининг умумий йиғиндисидир. Суғориш меъёрини ҳисоблаш учун 3 та кўрсаткични билиш керак. Уларга дала нам сиғими (ДНС), маълум экин учун тупроқдаги ўсимлик ўзлаштира оладиган намликнинг пастки чегараси ва сув билан тўйинтириладиган қатлам қалинлиги киради.

4. Алмашлаб экиш

Алмашлаб экиш – бу қишлоқ хўжалик экинларини илмий асосда навбатлаб экишдир. Бунда алмашлаб экиш далаларидаги экинлар маълум даврда юқори агротехника қоидаларига риоя қилинган ҳолда ўрин алмашлаб чиқилади.
Алмашлаб экиш схемаси деб, маълум гуруҳ экинларининг тартиб билан ўрин алмашишига айтилади.
Алмашлаб экиш ротацияси деб, экинларнинг белгиланган муддатда барча далаларда экилиб чиқишига айтилади.

Алмашлаб экиш схемалари:

1. 
   Пахта-беда алмашлаб экиш 8 далали 3:5 (беда:пахта) ва 9 далали 3:6 схемалари кам ҳосилли, кучли, шўрланган, оч тусли ва типик бўз тупроқ, тақир тупроқларда ва чорвачилиги ривожланган хўжаликларда жорий этилади. 10 далали 3:7 схема унумдор, шўрланмаган, тўқ бўз тупроқ ва ўтлоқи бўз тупроқларда жорий қилинади.
   
2. 
   Пахта-беда-буғдой (дон) схема: 3:4:3 (беда:пахта:буғдой).
   
3. 
   Ернинг мелиоратив ҳолатини яхшилашни таъминловчи алмашлаб экиш схемалари: 1:3:4 ва 1:3:5 (мелиоратив дала:беда:пахта).
   
4. 
   Шолини алмашлаб экиш схемалари: 2:4 (дуккакли экинлар:шоли), 2:3:1:3 ва 2:4:1:3 (дуккакли экинлар:шоли:мелиоратив дала:шоли).
   
5. 
   Лалмикор деҳқончиликда алмашлаб экиш схемалари: 1:2 (шудгор:дон), 1:2:1:1 ва
   

1:2:1:2 (шудгор:дон:қатор ораси:ишланадиган экинлар:дон), 5:2:1:2 (беда:дон:шудгор:дон).

6. 
   Озуқа экинларини алмашлаб экиш схемалари: 2:1:1:1:1:1:1:1 (беда:жавдар:бурчоқ билан қўшиб экилади ёки сорго силосга экилади: маккажўхори:дон:соя донга, уни йиғиштириб олгач маккажўхори ва уни йиғиштириб олгач оралиқ экинлар: маккажўхори донга, арпа донга, уни йиғиштириб олгач оралиқ экинлар: лавлаги: маккажўхори силосга ва уни йиғиштириб олгач оралиқ экинлар)
   

5. Ёқилғи ва мойлаш материаллари меъёрлари

Қишлоқ хўжалигида барча техникалар асосан, дизель ёқилғиси билан ҳаракатланади. Дизель ёқилғисининг иш бирлигини аниқлашда ҳар бир экин тури бўйича тузилган технологик картадан фойдаланилади. Технологик картада ҳар бир иш жараёнида бажариладиган ишларнинг маълум миқдорига ёқилғи меъёри берилган. Иш ҳажмини аниқлаб, меъёрга бўлиш йўли билан ёқилғи сарфи аниқланади.
Ёқилғи-мойлаш материалларига бўлган талаб, дизель ёқилғисига нисбатан фриз ҳисобида аниқланади. Дизель ёқилғисига нисбатан, автол-6,8%, солидол-0,5%, нигрол-1,4%, бензин билан ишлайдиган двигателларда – авто мой – 5,5 фоиз олинади.
Фермер хўжалигига зарур бўлган техникаларни 1000 гектар ҳисобига тўғри келидиган меъёрий кўрсаткичлар асосида олишлари мумкин. Тракторларга бўлган талаб қуйидаги жадвалда келтирилган.

4-жадвал. Тракторларга бўлган талаб.

Ҳайдов тракторлари	1,2	2,8	-1,6	1653
Чопиқ тракторлари (3 ғилдиракли)	4,4	21,7	-17,3	23797
Чопиқ тракторлари (4 ғилдиракли	2,5	12,0	-9,5	20362
Омочлар	0,8	3,4	-2,6	1984
Культиваторлар	1,6	16,9	-15,3	7220
Дон экиш сеялкалари	2,2	4,8	-2,6	4120
Чигит экиш сеялкалари	1,7	13,3	-11,6	6215
Дон ўриш комбайни	1,1	2,0	-0,9	630
Ерларни текислаш машинаси	0,1	5,6	-5,5	549
Трактор прицеплари	4,6	32,0	-27,4	40724

Ушбу техникалар ёрдамида қишлоқ хўжалигидаги барча ишлар амалга оширилади. Агротехника тадбирларни бажаришда техникаларнинг йиллик ишлаш қуввати вақт меъёрида берилади. Фермер техникалардан фойдаланишда бир йилда қанча соат ишлаши керак бўлса, шунга амал қилган ҳолда, иш билан таъминлайди. Техникаларнинг 1 йилда бажарган иш ҳажми меъёри 2-жадвалда берилган.