Умурзоқов Ў. П., Тошбоев А. Ж., Тошбоев А. А. Фермер хўжалиги

V. Томонларнинг жавобгарлиги

5.1. Томонлар ўртасида келишилган жадвал бўйича келган транспортнинг белгиланган муддатлардан ортиқча туриб қолганлик билан боғлиқ сарф-ҳаражатларни тўлайди. Бекор туриб қолиш вақти томонлар ўртасида имзоланган далолатномага мувофиқ расмийлаштирилади.

5.2. Етказиб берилаётган “Моддий-техника ресурслари” сифати, миқдори “Етказиб беувчи” томонидан нотури аниқланиши, уларнинг қиймати нотўри белгиланиши ва ундирилиши ҳоллари аниқланган тақдирда “Етказиб берувчи” етказиб берилаётган “Моддий-техника ресурслари” нинг сифатини, шунингдек уларнинг миқдорини ҳисобга олган ҳолда қайта ҳисоб-китоб қилади ва ҳисоблаб чиқилган ушбу сумманинг 20 фоизи миқдорида жарима тўлайди.
5.3. Агар етказиб берилган “Моддий-техника ресурслари” нинг сифати, ассортименти, навлари, стандарт, техник шартлар талабларига, намуналарга (эталонларга) ёки шартномада белгиланган бошқа шартларга жавоб бермаган тақдирда, айбдор томон етказиб берилган, сифати зарур даражада бўлмаган “Моддий-техника ресурслари” қийматининг 20 фоизи миқдорида жарима тўлайди.
5.4. “Моддий-техника ресурслари” етказиб бериш бўйича шартномада назарда тутилган мажбуриятлар бажарилиши рад этилганлиги учун “Етказиб берувчи” “Хўжалик” га белгиланган устамалардан ташқари етказиб берилиши керак бўлган “Моддий-техника ресурслари” нинг 25 фоизи миқдорида жарима тўлайди. Жаримадан ташқари, “Етказиб берувчи” “Хўжалик” га “Моддий-техника ресурслари” етказиб берилмаслиги натижасида етказилган зарарни тўлайди.
5.5.”Моддий-техника ресурслари” ни етказиб бериш кечиктирилган ёки тўлиқ етказиб берилмаган тақдирда “Етказиб берувчи” “Хўжалик” га кечиктирилган ҳар бир кун учун мажбурият бажарилмаган қисмининг 0,5 фоизи миқдорида пеня тўлайди, бироқ бунда пенянинг умумий суммаси етказиб берилмаган “Моддий-техника ресурслари” қийматининг 50 фоизидан ортиқ бўлмаслиги керак. Пеня тўланиши шартнома мажбуриятларини бузган томонни шартномани зарур тарзда бажаришдан ва “Моддий-техника ресурслари ” етказиб бериш мудати кечиктирилши ёки тўлиқ етказиб берилмаслиги туфайли етказилган зарарлар қопланишидан озод этмайди.
5.6. Етказиб берилган “Моддий-техника ресурслари” учун ўз вақтида ҳақ тўланмаганда “Хўжалик” “Етказиб берувчи” га муддати кечиктирилган ҳар бир кун учун кечиктирилган тўлов суммасининг 0.4 фоизи миқдорида пеня тўлайди, бироқ бу кечиктирилган тўлов суммасининг 50 фоизидан ортиқ бўлмаслиги керак.
5.7. “Хўжалик” томонидан тегишли контрактация шартномаси бажарилмаганлиги ёки зарур даражада бажарилмаганлиги учун “Хўжалик” ни жавобгарликга тортиши, шунингдек унинг хатти-ҳаракатлари (Харакатсизлиги) “Хўжалик” томонидан контрактацияси шартномаси бўйича шартнома мажбуриятлари бажармаслигига (зарур тарзда бажармаслигига) олиб келган “Етказиб берувчи” нинг жавобгарлиги ҳам кўриб чиқилади.
“Етказиб берувчи” нинг фйби билан контрактация шартномасининг “Хўжалик” томонидан бажарилмаслиги (зарур тарзда бажарилмаслиги) натижасида етказилган зарар белгиланган тартибда “Етказиб берувчи” томонидан қопланади.
5.8. Мазкур шартномада назарда тутилмаган томонларнинг жавобгарлиги чора-тадбирлари фуқаролик қонунчилиги нормаларига мувофиқ қўлланилади.