Umurtqalilar

Miyacha juda yaxshi taraqqiy etgan bo‘lib, yuqori tomon­
dan miya yarim sharlariga tegib turadi, orqa tomondan esa uzunchoq miyaning ko'pgina qismini qoplab oladi va asosan chuvalchang deb ataladigan o'rta bo'lakdan tashkil topgan. Chuvalchang ko'ndalangiga ketgan xarakterli jo'yaklar bilan qoplangan. Uzunchoq miyani to'liq va yaxshi ko'rish uchun miyachani bir qadar ko'tarishga to'g'ri keladi.
Endi bosh miyani pastki tomondan ko'rish uchun qushni awalgiday chap qo'lingizga olib, qaychi bilan hidlov palla- larini qirqib, so'ngra skalpelning dastasi bilan sekin-asta miyani ag'daring, bosh miya ko'ruv nervlarini ham qirqing. Siz endi miyaning ostida joylashgan ko‘ruv xiazmasi (chatishma)ni va miya voronkasini (kitobdagi rasmga solishtirib) ko'zdan kechi­ ring. Ko'pchilik hollarda gipofiz bosh miyadan ajralib miya qutisining tubida qoladi, shuning uchun uni ko'ra olmaslik ham mumkin.


Topshiriqlar:
Yangi o'ldirilgan qushning ichki tuzilishini ko'zdan kechirib bo'lgach, quyidagi rasmlami albomga chizib oling:
1. Qush ichki organlarining joylashishi;
2. Urg'ochi' qush siydik-tanosil organlarining tuzilishi;
3. Erkak qush siydik-tanosil organlarining tuzilishi;
4. Qushlarning arterial va venoz qon sistemalari sxemasi;
5. Qush bosh miyasining tuzilishi.


17-mashg‘ulot. QUSHLAR SKELETI
Ob’ektning sistematik holati Tip. Xordalilar — Chordata
Kenja tip. Umurtqalilar — Vertebrata yoki
Bosh skeletlilar — Craniata
Katta sinf. To‘rt oyoqlilar - Tetrapoda
Sinf. Qushlar — Aves
Turkum. Kaptarsimonlar - Columbiformes