Умуртқалилар зоологияси фанининг предмети, ўрганаѐтган объекти ва вазифалари

1. Ўрдакбурунлар (Ornithorhynchidae) оиласига Австралия ва Тасманияда тарқалган битта ўрдакбурун (Ornithorhynchus anatinus) 
деган тур киради. Бу ҳайвоннинг териси қалин ва майин жун билан қопланган ва деярли сувда ҳўл бўлмайди, кўп вақтини сувда 
ўтказади. Боши сербар тумшуқ билан тугайди. Тумшуғи шоҳ ғилоф билан қопланган ва ички қиррасида шох пластинкалари бор. 
бармоқлари орасида сузгич пардаси бўлади. Ўрдакбурунлар ердан чуқур уя қазиб шу уяда яшайди, лекин уяга кириш йўли сув 
остида бўлади, қолган қисми эса сув сатҳидан юқорида турадиган уя камерасига айланади. Иккита тухум қўяди ва уни тухуми 
уруғлангандан сўнг 15 сутка давомида тухум йўлида, уяда эса 10 сутка ривожланади. Ўрдакбурунлар ўрдаклар сингари сувда 
овқатланади. 
2. Ехидналар (Tachyglossidae) оиласига 3 та тур киради ва булар Австралия ҳамда Янги Гвинеяда тарқалган. Териси 6 см гача 
борадиган игналар билан қопланган, тумшуғи чўзилган ва шох қин билан қопланган. Гавдасининг узунлиги 40 см гача боради. 
Бармоқлари учида кучли тирноқлари бор. тухум қўйишдан олдин урғочисининг қорин томонида терили халта ҳосил бўлади, бу
халтасида (140-расм) 1-2 та тухумларини олиб юради. Тухумдан очиб чиққан болалари 1.2-2 см бўлиб, 8 см га етгунча халтада 
қолади, кейин халтадан чиқади. Ехидналар Австралияда проехидналар Янги Гвинеяда тарқалган. 

---

Тубан сут эмизувчилар кенжа синфи – Metatheria 
Бу кенжа синф ҳам битта қопчиқлилар (Marsupoalia) туркумидан иборат бўлиб, 250 турни ўз ичига олади. Буларни ўлчами 4 см дан 
(қопчиқли сичқон) 1.6 м гача (кулранг кенгуру) боради ва экологик хусусиятлари билан ҳам фарқ қилади. Гавда температураси бир 
йўллиларга нисбатан баланд (36
0
С) ва кам ўзгаради. Йўлдоши деярлик ривожланмаган, шунга кўра барча қопчиқлиларнинг 
болалари чала, ночор ва жуда кичкина туғилади. Масалан, катталиги одамдек келадиган кулранг кенгурининг янги туғилган боласи 
ѐнғоқдек бўлади. Хомиладорлик даври қисқа: америка опоссумларида 8-14 кун, гигант кенгуруда 30-40 кун, бобрларда 
(йўлдошлиларда) эса 105-107 кун давом этади. Туғилган бола (кенгуруда 3 см) онаси қорин томонда ялаган йўл билан ўзи халтага 
ўтади (141-расм). Қопчиқнинг ички томонида эмчаклари бор,
буларга сут безларининг чиқариш йўллари очилади. Эмчакларни учи шишиб, болани оғиз бўшлиғини тўлдиради. Янги туғилган 
боланинг лаблари эмчак атрофига ѐпишган бўлади. Эмчакдаги сут безларининг махсус қисувчи мускули қисқариш натижасида 
буларнинг оғзига сут тушади. Кенгуру боласининг ҳиқилдоғи юқори ўрнашган ва хаоналарга ѐпишган, бу эса унинг пассив 
овқатланишига мосланишидир, шунинг учун сут ҳиқилдоқнинг ѐн томонидан оқиб ўтади ва боланинг эркин нафас олишига 
ҳалақит бермайди. Лактация (болани сут билан боқиш) даври 60 кундан 250 кунгача давом этади. Скелетида қопчиқ суяги бўлиб, 
қов суягига тегиб туради, коракоид курак суяги билан қўшилиб кетади, қини ва бачадони қўшалоқ, чунки эркакларини пениси 
иккига ажралган бўлади. Мияси жуда содда, унда қадоқли танача йўқ. 
Қопчиқлилар Австралия, Жанубий Америка, ҳатто бир тури Шимолий Америкада тарқалган бўлиб, учта кенжа туркумга бўлинади.