Umumta’lim maktablarida fizikadan namoyishli eksperimentlar

O‘quv fanining maqsadi va vazifasi: Bo`lajak fizika fani o`qituvchilariga “Umumta’lim maktablarida fizikadan namoyishli eksperimentlar” predmeti talaba shaxsining birinchi o’rinda turishini ta’minlash, avtomatlashtirilgan o’qitish va nazorat tizimlaridan, multimediya yaratuvchi dasturiy vositalardan keng foydalanishga o`rgatish, zamonaviy ta`lim tendensiyalarini anglash va qo`llasy olish tushiniladi. Shu nuqtai nazardan har bir talaba avtomatlashtirilgan o’rgatish va nazorat qilish dasturi bilan ta’minlangan kompyuterlarda ishlab mustaqil bilim olishi, bilim darajasini orttirib borishi hamda o’qitish tizimi tarkibidagi nazorat topshiriqlari orqali o’zining olgan bilim darajasi haqida muntazam ravishda ma’lumotga ega bo’lib borishi maqsadga muvofiqdir.
“Umumta’lim maktablarida fizikadan namoyishli eksperimentlar” predmetini talabaga o’zi o’rganayotgan fanning, ob’ekt va hodisalarning mazmuni va mohiyatini chuqur tushunib yetishga, ularni to’g’ri tasavvur qilishiga imkon yaratib beradi. Dasturiy vositalardan foydalanib o’qitishning yangi uslubi yuzaga kelmoqdaki, u nafaqat informatikani, balki boshqa fanlarni ham o’qitishda juda qo’l kelayotgan avtomatlashtirilgan o’rgatuvchi dasturlardan foydalanishni nazarda tutuvchi uslub hisoblanadi.
Pedagogika OTMlarida mutaxassis tayyorlashning o’ziga xos pedagogik kasbiy yo’nalishi mavjudki, o’qituvchi kasbidan chuqur, ko’p qirrali bilim talab qilinadi. Shu nuqtai nazardan pedagogika oliy ta’lim muassasalarida ta’lim jarayonini takomillashtirish deganda, o’qituvchilar zimmasiga faqat mutaxassislik tushunchalarinigina o`rgatib qolmay, balki talabalarga o’zlarining kelajakda sifatli, zamonaviy talablarga javob beradigan darajada faoliyat olib borislari uchun ko’nikmalar berib borishi kerak bo’ladi.
Shu bois ta’lim jarayonini takomillashtirish turli-tuman samarali uslublar va pedagogik yondoshuvlarni izlab topish va ularni unumli foydalanish lozimligi yaqqol ko’rinib qolmoqda. Bu talablarni tabiiy-ilmiy fanlar bo’yicha muvaffaqiyatli amalga oshirish uchun avtomatlashtirilgan, multimadiali o’qitish tizimining texnik imkoniyatlaridan foydalanishimiz mumkin.
Bo`lajak fizika fani o`qituvchilari axborot texnologiyalari imkoniyatlaridan keng foydalanish imkoniyatlarini o`rganishlari, talabalarga o’z ustida individual ishlashiga imkon beradi. Kompyuter texnologiyalari esa har bir talaba bilan alohida ishlash, mustaqil bilim olishga o’rgatish, o’qishga nisbatan bo’lgan loqaydligini yo’qotish, ta’lim jarayonida faol ishtirok etuvchi shaxsga aylantirish imkoniyatini yaratadi. Talaba mustaqilligini rivojlantiradi. Uning fanga qiziqishi, shu fanni o’zlashtirishga ishonchi ortadi.
“Umumta’lim maktablarida fizikadan namoyishli eksperimentlar” predmetini o`qitilishi jarayonida talaba fizika fanidan elektron darslik yaratishda turli yangi dasturiy ob’ektiv texnologiyalardan foydalanishni, bo`lajak pedagoglik faoliyatlarida o`quvchilarga fizik jarayonlarning mohiyatini ochib berishga Macromedia Flash MX, Delphi, HTML, AutoPlay Media Studio va boshqa multimedia yaratuvchi dasturlar yordamida fizik jarayonlarning animatsiyalarini yaratishni bilishlari va ularnung mohiyatini tushunishlari kerak.

Savollar:

1. 
   Umumta’lim maktablarida fizikadan namoyishli eksperimentlar predmeti nima?
   
2. 
   fizika fanidan elektron darslik yaratishning ahamiyati qanday?
   
3. 
   Ta’limda dasturiy vositalardan foydalanishning afzalliklari qanday?