Umumtalim maktablari jismoniy tarbiya darslarida voleybol o’yini reja

XULOSA VA TAVSIYALAR

Bitiruv malakaviy ishida ko’rib chiqilgan adabiyotlar tahlili shundan dalolat beradiki, ko’p yillik sport trenirovkasi jarayonida yuqori malakali voleybolchilarni tayyorlash ustivor jihatdan jismoniy sifatlarni rivojlantirish sur’atiga bog’liq. Ya’ni ushbu sifatlar qanchalik shakllangan bo’lsa, shug’ullanuvchilarning yoshidan qat’iy nazar texnik-taktik mahoratning o’sish darajasi shunchalik samarali kechadi. Bu borada sakrovchanlik, kuch va tezkorlik

sifatlari, texnik- taktik tayyorgarlik ko’rsatkichlari bilan uzviy bog’liqligi hamda mazkur sifatlar sport mahoratini progressiv taraqqiy etishida muhim rol o’ynashi yana bir bor e’tirof etildi.
Tayyorgarlikning boshlang’ich bosqichida tezkorlik sifatini tarbiyalash quyidagi vosita - mashqlar yordamida amalga oshirilishi maqsadga muvofiqdir: harakatli o’yinlar, qisqa masofalarga yugurish, turli estafetalar, sakrashga oid mashqlar, gimnastika va akrobatika mashqlari, qoidasi soddalashtirilgan sport o’yinlari. Mazkur vositalarni qo’llashda kompleks uslubdan foydalanish yaxshi samara berishi ma’lum bo’ldi.
Yosh voleybolchilar bilan ishlashdagi dastlabki tayyorgarlik bosqichida har tomonlama jismoniy tayyorgarlikni egallashga, sog’liqni mustahkamlash, hilma-hil ko’nikma va malakalarni egallab olishga, voleybol o’yini texnikasi va taktikasining boshlang’ich asoslariga o’rgatishga qaratilgan vositalar kompleksidan foydalanish maqsadga muvofiqdir.
Pedagogik nazorat shug’ullanuvchilarning jismoniy, texnik va taktik tayyorgarligini aniqlashning asosiy shaklidir. Pedagogik nazorat murabbiy va shifokor tomonidan olib boriladi. Bunda o’tkazilgan mashg’ulotlarning mazmuni, hajmi va shiddati xisobga olinadi hamda mashg’ulot rejalarining bajarilishi tahlil qilinadi. Voleybolchilarning mashg’ulotini pedagogik jihatdan nazorat qilish uchun nazorat mashqlar komplekslari va testlar tuziladi. Bunda harakat sifatlarining ham umumiy, ham maxsus rivojlanishiga baho berish uchun bajariladigan mashqlar olinadi.