Umumiy va o‘rta ta’lim maktablari fizika fani o‘qituvchilari malakasini oshirish kursining namunaviy o‘ quvdastur I

O‘ZBEKISTON RESPUBLIKASI

XALQ TA’LIMI VAZIRLIGI

O‘zbekiston Respublikasi

Xalq ta’limi vazirligining

2021-yil “___”____________ dagi

___- son buyrug‘iga __-ilova

UMUMIY VA O‘RTA TA’LIM MAKTABLARI

FIZIKA FANI O‘QITUVCHILARI

MALAKASINI OSHIRISH KURSINING
N A M U N A V I Y O‘ Q U V D A S T U R I

Toshkent – 2021

Tuzuvchi:		M.Alinazarova-Namangan VXTXQTMOHM “Aniq va tabiiy fanlar metodikasi” kafedrasi katta o‘qituvchisi, fizika-matematika fanlari bo‘yicha falsafa doktori (PhD).
Taqrizchilar:		R.Ikramov-Namangan muhandislik texnologiya instituti “Fizika” kafedrasi professori, fizika-matematika fanlari doktori
		M.Qo‘ldasheva-Namangan VXTXQTMOHM “Aniq va tabiiy fanlar metodikasi” kafedrasi katta o‘qituvchisi, pedagogika fanlari bo‘yicha falsafa doktori (PhD).

Fizika fani o‘qituvchilarining malakasini oshirish kurslari tajribaviy o‘quv dasturi A.Avloniy nomidagi XTTRMXQTMOI Ilmiy Kengashining 2020-yil 29-dekabrdagi 9-sonli bayonnomasi bilan ma’qullangan va tasdiqlash uchun tavsiya etilgan.

KIRISH
Ushbu namunaviy o‘quv dasturi O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF–4947-son va 2019-yil 29-apreldagi “O‘zbekiston Respublikasi Xalq ta’limi tizimini 2030 yilgacha rivojlantirish kontsepsiyasini tasdiqlash to‘g‘risida”gi PF–5712-son Farmonlari, 2018-yil 5-sentyabrdagi “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ–3931-sonli Qarori, shuningdek, O‘zbekiston Respublikasi Xalq ta’limi vazirining “O‘zbekiston Respublikasi Prezidentining 2020-yil 7-maydagi PQ–4708-son qarori ijrosi to‘g‘risida”gi 2020-yil 20-may 123-son buyrug‘ida belgilangan ustuvor vazifalar mazmunidan kelib chiqqan holda ishlab chiqilgan bo‘lib, u zamonaviy talablar asosida fizika o‘qituvchilari malakasini oshirish jarayonlarining mazmunini takomillashtirish hamda ularning kasbiy kompetentligini oshirishni nazarda tutadi.

Ushbu namunaviy o‘quv dasturiga tinglovchilarning talab va ehtiyojlarini o‘rganish asosida mavzular kiritilgan bo‘lib, fizika fanini o‘qitish sifati va samaradorligini yanada oshirish nazarda turilgan.

Dastur mazmuni O‘zbekiston Respublikasining ta’lim va tarbiya sohasidagi davlat siyosati, pedagogning kasbiy kompetentligi va mahorati, fizika fanini o‘qitishda AKT dan samarali foydalanish, imlo savodxonligi va hujjatlarni rasmiylashtirish, fizika fanini o‘qitish nazariyasi va metodikasi, ta’lim sifatini baholash xalqaro dasturlari va innovatsion texnologiyalar, umumiy o‘rta ta’limda STEAM yondashuvi, amaliy mashg‘ulot va laboratoriya ishlarini o‘tkazish metodikasi, amaliy xorijiy til, milliy o‘quv dasturi va fanga oid me’yoriy hujjatlar murakkab mavzular asosida ishlash bo‘yicha o‘quv jarayonini tashkil etishning zamonaviy usullarini o‘z ichiga oladi va ular bo‘yicha tegishli yangi bilim, ko‘nikma, malaka va kompetentsiyalarni shakllantirishga yo‘naltirilgan.

Dastur doirasida berilayotgan mavzular xalq ta’limi tizimi pedagog kadrlarini qayta tayyorlash va malakasini oshirish mazmuni, sifati va ularning tayyorgarligi hamda kompetentligiga qo‘yiladigan yangilangan malaka talablari va o‘quv rejasi asosida shakllantirilgan bo‘lib, fizika fani o‘qituvchilarining zamonaviy ta’lim texnologiyalari va ilg‘or xorijiy tajribalardan foydalanish, axborot-kommunikatsiya texnologiyalarini o‘quv jarayoniga keng tatbiq etish darajasini oshirish hisobiga ularning kasb mahorati va o‘quv-uslubiy faoliyatini sifatli tashkil etish bo‘yicha kompetentsiyalarini muntazam yuksaltirishni nazarda tutadi.

Malaka oshirish kursining o‘quv dasturi quyidagi modullar mazmunini o‘z ichiga qamrab oladi: