Umumiy psixologiya guruh: 1-8mat19

Yo'llar va usullar (harakat) - oraliq maqsadlarga erishishga qaratilgan, umumiy motivga bo'ysunadigan nisbatan to'liq faoliyat elementlari.

Har bir faoliyat ichki va tashqi qismlarni o'z ichiga oladi. Dastlab, ob'ektiv harakatlar amalga oshiriladi va shundan keyingina, tajriba to'planganda, odam ongda bir xil harakatlarni bajarish qobiliyatiga ega bo'ladi. Tashqi harakatni ichki rejaga tarjima qilish interyerizatsiya deb ataladi. Aqliy harakatning tashqarida, ob'ektlar bilan harakat shaklida amalga oshirilishi eksteriorizatsiya deyiladi. Faoliyat harakatlar tizimi shaklida amalga oshiriladi.

Harakat- maqsadga erishishga qaratilgan jarayon sifatida belgilangan faoliyatning asosiy tarkibiy birligi.

Inson Faoliyati shakllari, turlari, avvalo, mehnat taqsimoti, odamlar, jamiyat ehtiyojining oʻsishi jarayonida oʻzgarib, rivojlanib boradi. Faoliyat elementlarini insonlar, inson ehtiyojlari va manfaatlari, Faoliyat predmeti, motivlari, Faoliyatning maqsadlari, amalga oshirish yoʻllari, vositalari va usullari tashkil etadi. Faoliyat muayyan yaxlit jarayon sifatida oʻzida mavjud olamni, ijtimoiy borliqni, amaliyotni oʻzgartirish va tushuntirish dasturi hamda undan kelib chiqadigan harakatlar majmuini mujassamlashtiradi.

Keyingi davrlarda Faoliyat funksiyalarining murakkablashuvi, turlarining ortishi va chuqurlashishi kuzatilib, u ilmiy, amaliy, ijtimoiy ahamiyatga molik masalaga aylandi. Shu bois, Faoliyat bir qancha fanlar: psixologiya, sotsiologiya, siyosatshunoslik, ekologiya, iqtisodiy nazariya, huquqshunoslik, xususan, falsafaning ham maxsus tadqiqot obyekti sanaladi.

Har qanday faoliyat real shart-sharoitlarda, turli usullarda va turlicha ko‘rinishlarda namoyon bo‘ladi. Qilinayotgan har bir harakat ma’lum narsaga - predmetga qaratilgani uchun ham, faoliyat predmetli harakatlar majmui sifatida tasavvur qilinadi. Predmetli harakatlar tashqi olamdagi predmetlar xususiyatlari va sifatini o‘zgartirishga qaratilgan bo‘ladi. Masalan, ma’ruzani konspekt qilayotgan talabaning predmetli harakati yozuvga qaratilgan bo‘lib, u avvalo o‘sha daftardagi yozuvlar soni va sifatida o‘zgarishlar qilish orqali, bilimlar zahirasini boyitayotgan bo‘ladi. Faoliyatning va uni tashkil etuvchi predmetli harakatlarning aynan nimalarga yunaltirilganiga qarab, avvalo tashqi va ichki faoliyat farqlanadi