Umumiy psixologiya” fanidan o`quv- uslubiy majmua ta`lim yo`nalishi: Barcha ta`lim yo`nalishlari uchun

II. O‘quv fanining maqsadi va vazifasi

Fanni o‘qitishdan maqsad – bo‘lajak mutaxassislarga shaxs psixologiyasiga oid qonuniyatlarni, umumiy psixologiya fanining nazariy metodologik asoslari, shaxsda ro‘y berayotgan o‘zgarishlarning shaxs ijtimoiy xulq-atvoriga qay tarzda ta’sir ko‘rsatishi mumkinligini tushuntiruvchi mexanizmlar to‘g‘risida bilim berishdan iboratdir. Psixologiyaning SHarq va G‘arb olimlari tomonidan o‘rganilishi, jahon psixologiya ilmining zamonaviy yutuqlari, psixologiyaning prinsiplari va psixologiyadagi mavjud dolzarb masalalar, psixologik xizmat ko‘rsatish masalalari, barkamol shaxs ta’lim-tarbiyasida ijtimoiy psixologik omillarning mazmun-mohiyati, psixologiyaning ilmiy tadqiqot metodlarini bilishi va ularni amalda qo‘llay olishi, psixologiya fanining tarmoqlarini bilishi yuzasidan ko‘nikmalarga ega bo‘lishlari, bo‘lg‘usi o‘qituvchilarning psixologik bilimlarini shakllantirish, o‘quvchilar, hamkasblar va ota-onalarning ruhiy holatini anglab olishga doir qobiliyatlarni tarkib toptirish, “Ta’limning psixologik qonuniyatlari hamda tamoyillari”ga mos holda tegishli qarorlar qabul qilishga o‘rgatishdan iborat.

Fan bo‘yicha talabalarning bilim, ko‘nikma va malakalariga qo‘ydagi talablar qo‘yiladi. Talaba:

– Umumiy psixologiya – Umumiy psixologiya fanining nazariy asoslari, bilish jarayonlari, shaxsning ichki regulyasiyasi, hissiy emotsional holatlar, shaxsning individual tipologik xususiyatlari to‘g‘risida tasavvurga ega bo‘lishi;

– Umumiy psixologiya fanining asoslari, psixologik qonuniyatlar,

tushunchalar, tamoyillari, bilish jarayonlarining xususiyatlarini bilishi va ulardan foydalana olishi;

– talaba psixologik hodisa va jarayonlarni tahlil qilish usullarini qo‘llash, psixologik muammolar bo‘yicha echimlar qabul qilish ko‘nikmalariga ega bo‘lishi kerak.