Umumiy o'rta ta'lim sifatini oshirish: mazmun, metodologiya, baholash va ta'lim muhiti

TARIX FANINI O‘QITISHDA LOYIHA METODINING TATBIQ  

ETILISHI VA SAMARADORLIGI  

 

Nurqulov Adham Yarashboyevich,  

Respublika ta’lim markazi Ijtimoiy va gumanitar fanlar bo‘limi boshlig‘i 

  

O‘zbekiston  Respublikasi  mustaqilligining  dastlabki  kunlaridanoq,  ta’lim  – 

tarbiya  sohasining  ilg‘or  va  zamonaviy  texnologiyalar,  jamiyatning  ma’naviy 

yangilanishi,  jahon  hamjamiyati  integratsiyalashuvi  asosida  ijtimoiy  yo‘naltirilgan 

huquqiy – demokratik davlat va fuqarolik jamiyatini qurishning o‘ziga xos yo‘li tanlab 

olindi.  Inson,  uning  har  tomonlama  uyg‘un  kamol  topishi  va  farovonligi,  shaxs 

manfaatlarini ro‘yobga chiqarishning sharoitlarini va ta’sirchan mexanizmlarini yaratish, 

eskirgan  tafakkur  va  ijtimoiy  xulq-atvorning  andozalarini  o‘zgartirish  respublikada 

amalga  oshirilayotgan  islohotlarning  asosiy  maqsadi  va  harakatlantiruvchi  kuchidir. 

Xalqning  boy  intellektual  merosi  va  umumbashariy  qadriyatlar  asosida,  zamonaviy 

madaniyat,  iqtisodiyot,  fan,  texnika  va  texnologiyalarning  yutuqlari  asosida  kadrlar 

tayyorlashning  mukammal  tizimini  shakllantirish  O‘zbekiston  taraqqiyotining  muhim 

shartidir.  

Ma’lumki,  uzluksiz  ta’lim  tizimi,  eng  avvalo,  jamiyatning  ma’naviy  va 

intellektual  salohiyatini  kengaytiradi,  qolaversa,  davlatning  ijtimoiy  va  ilmiy–texnik 

taraqqiyotini takomillashtirish omili sifatida ishlab chiqarishning barqaror rivojlanishini 

ta’minlaydi.  Ta’lim  jarayonida  pedagogik  texnologiyalarning  rivojlanishi  va  ularning 

o‘quv–tarbiya  jarayoniga  kirib  kelishi  oqibatida  har  bir  inson  uchun  o‘z  kasbiy 

tayyorgarligini,  mahoratini  kuchaytirish  imkoniyati  yaratiladi.  Ushbu  vazifalarning 

muvaffaqiyatli hal etilishi ta’lim-tarbiya jarayonida innovatsion texnologiyalaridan biri – 

loyiha metodidan foydalanish ta’lim samaradorligini oshirishga xizmat qiladi. Ta’limda 

o‘quv loyihalarini amalga oshirish hozirgi paytda muhim ahamiyat kasb etadi. Chunki bu 

metod  Yevropa  va  Amerika  ta’lim  tizimida  keng  tadbiq  qilingan  bo‘lib,  u  yuqori 

darajadagi  samaradorligi  bilan  ajralib  turadi.  Loyiha  metodi  asosida  o‘qitish  ta’lim 

oluvchilarda  ijodkorlik  qobilyatlarini  shakllantirishda,  bilimlarni  mustaqil  egallash 

---