Umumiy o'rta ta'lim sifatini oshirish: mazmun, metodologiya, baholash va ta'lim muhiti

561

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

o‘quvchining  ustunli  diagramma  ko‘rinishida  berilgan  ma’lumotlarni  o‘qish 

kompetentsiyasini  baholaydi.  Bundan  tashqari,  1-2  savollarga  oid  javobni  tekshirish 

maqsadida  o‘quvchi  shu  milliy  firmalarning  eksport  yutuqlari  haqida  kerakli 

ma’lumotlarni gazeta, jurnallar va boshqa manbaalar bilan solishtirishi mumkin. Shuning 

uchun  uning  umummadaniy  kompetentsiyalar  bilan  birga,  axborot  bilan  ishlash 

kompetenstiyasi ham ma’lum darajada shakllanadi. 3- savol o‘quvchining analiz, sintez, 

analogiya,  umumlashtirish,  deduktsiya  va  induktsiya  usullari  yordamida  strategik, 

refleksiv  va  evristik  ko‘rinishidagi  matematik  tafakkur  yurita  olish  va  shu  bilan  birga 

shaxs sifatida o‘z-o‘zini rivojlantirish kompetentsiyasini baholaydi. Bundan tashqari, 3-

savolda moliyaviy xavf baholanganligi bois, o‘quvchinig unga javob berishda ijtimoiy 

faol fuqarolik kompetentsiyasi ham baholanadi.  

 

2- masala (patir nonlar) 

 

Ikki xil kattalikdagi doira shakldagi patir nonlar sotilmoqda.  

 

Ulardan kichigi diametri 30 sm bo‘lib, narxi 3 pul birligi ekan. Kattasining diametri 

va narxi mos ravishda 40 sm va 4 pul birligiga teng. Qaysi non arzonroq? Javobingizni 

asoslab bering.  

 

Masala bir necha qadamda yechiladi: 

 

Nonlar  silindr  shaklida  bo‘lsada,  ularning  qalinligi  taxminan  bir  xil.  Demak, 

dastlab ularning yuzlarini hisoblash yetarli.  

 

3- masala (Mashxur ziyoratgoh) 

 

Samarqand shahri O‘zbekistonning eng go‘zal jaylaridan biri hisoblanadi. 

1- savol.Samarqand shahrini 2015-yil 1-iyul – 27-avgust kunlari taxminan 200 000 

nafar xorijiy mehmonlar ziyorat qilishdi. Kuniga dunyo bo‘yicha o‘rtacha nechta xorijiy 

mehmon shaharga tashrif qilishdi?  

A. 340 B. 710 C. 3400 D. 7100 E. 7400 

 

2- savol. Mister Smit mehmonxonasidan Registon maydonigacha masofa 9 km ga 

teng.  U  mehmonxonaga  kechasi  soat  20:00  da  qaytishi  lozim.  Dam  olish,  ovqatlanish 

hamda  shaharlarni  ziyorat  qilganda  uning  o‘rtacha  harakatlanish  tezligi  taxminan  1,5 

km/soat  ekan.  Vaqtida  qaytish  uchun,  Mister  Smit  mehmonxonasidan  soat  nechada 

chiqishi kerak? 

 

A.14:30 B. 14:00 C. 15:00 D. 15:30 

3-  savol.  Mister  Smit  Registon  maydonchaga  9  km  yurganda  qadamlar  sonini 

hisoblaydigan  maxsus  moslamani  ishlatdi.  Bu  moslama  11250  qadamni  belgilaganligi 

ma’lum bo‘ldi. Mister Smitning bir qadami o‘rtacha nechta santimetr?  

 

A. 60 B. 70 C. 80 D. 90 

Bu masalani yechishda o‘quvchilar vaqt, tezlik, masofa kabi kattaliklar bilan hisob-

kitob  qilish  va  baholash  bilan  birga  atrof-muhitdagi  hodisa  va  jarayonlarni  matematik 

tilda  ifodalay  olish  orqali  matematik  tafakkur  yurita  olish  va  tahlil  qilish 

kompetentsiyalarini namoyon qiladilar.  

---