Umumiy o‘rta ta‘lim muassasalarida Aqliy rivojlanishida muammolari bo‘lgan bolalar uchun tashkil etiladigan korreksion sinflar uchun tayanch o‘quv dasturlari

Toshkent-O‘zbekistonning poytaxti. So‘zlar: shahar, poytaxt, go‘zal, ko‘cha.
Gaplar: Toshkent- O‘zbekistonning poytaxti. Toshkent go‘zal shahar.
Yo‘l harakati qoidalari. So‘zlar: yo‘l harakati, qoidalari, svetofor chiroqlari: qizil, sariq, yashil.
Gaplar: Yo‘l harakati qoidalariga rioya qil!
9-May-Xotira va qadrlash kuni. So‘zlar: xotira, qadrlash, kuni.
Gaplar: 9-may - Xotira va qadrlash kuni.
Yil fasllari. So‘zlar: yil, fasllari, qish, bahor, yoz, kuz.
Gaplar: Bir yilda to‘rtta fasl bor. Qish, bahor, yoz, kuz-bu yil fasllari.
Yoz fasli. Yozgi ta‘til So‘zlar: yozgi ta‘til, dam olamiz, oromgoh.
Gaplar: Yoz keldi. Yozgi ta‘tilda biz oromgohda dam olamiz.
Takrorlash. Har chorakning oxirida o‘tilgan mavzular bo‘yicha takrorlash ishlari olib borilishi kerak. Qo‘shimcha o‘qish uchun she’rlar, maqollar, topishmoqlar, ertaklar yil davomida o‘rganiladi.


Mavzuiy rejalashtirish

№	Bo‘limlar nomi	Soatlar taqsimoti
		Jami	Yangi mavzu	Takror lash
1.	O‘zbekiston Respublikasining Mustaqilligi kuni	3	3
2.	Maktab. Sinf. O‘quv qurollari	3	3
3.	Oltin kuz	4	4
4.	Oila	3	3
5.	Qish	9	9
6.	Uy va yovvoyi hayvonlar	2	2
7.	Assalom Navro‘z!	5	5
8.	Yoz fasli	3	3
9.	Mustahkamlash darsi	2		2
Jami		34	32	2

TABIIY FAN
Tushuntirish xati
“Atrofimizdagi olam” fani aqli zaif bolalarning borliq haqidagi tasavvurlarini shakllantirishni ko‘zda tutgan bo‘lib, uning mazmunida tabiat-inson-jamiyat tushunchalari bir-biriga uzviy holda aks etadi. Ushbu fan o‘quvchilarni jamiyatda mustaqil hayotga har tomonlama xususan, ijtimoiy-hayotiy, zarur ko‘nikmalarga ega shaxs sifatida shakllanishini ta‘minlashda asosiy o‘rinni egallaydi. O‘quvchilarda tabiatga, atrofda bo‘layotgan barcha hodisalar(harakatlar, voqealar, hayotiy vaziyatlar)ga bo‘lgan ongli (g‘amxo‘rlik, parvarish, asrash, to‘g‘ri va o‘rinli foydalanish, ishlab chiqarishda maqsadli ishtirok etish...) munosabatni shakllantirishdan oldin ularni atrof-muhit haqida (tabiat va undagi barcha jonli va jonsiz narsalar haqidagi) dastlabki-elementar bilim, ko‘nikma va malakalar bilan qurollantirish lozim.
Aqli zaif bolalarda ta‘limga qamrab olingunga qadar atrof muhit haqidagi tasavvurlarning cheklanganligi, ushbu fanni o‘qitish bir vaqtning o‘zida o‘quvchilarning so‘z-mantiq tafakkuri va nutqini shakllantirishni ham ko‘zda tutadi. Bundan tashqari ushbu fan mazmunida hayot xavfsizligi asoslarini va yo‘l harakati qoidalarini o‘rgatish yuzasidan talablar ham o‘z aksini topgan.
Demak ushbu o‘quv fanining asosiy vazifalari o‘quvchilarni:
- atrofdagi narsalar (predmetlar), tabiat va uning hodisalari bilan tanishtirish;
- atrofdagi narsalar (predmetlar), tabiat va uning hodisalari haqidagi tasavvurlarini tizimlashtirish, boyitish;
- tevarak-atrofdagi narsa va hodisalarni o‘z nomi bilan atashga o‘rgatish;
- tevarak-atrofdagi narsa va hodisalarning xususiyatlari, ahamiyati va insonlar hayotiga ta‘sirini anglash va farqlashga o‘rgatish;
- shaxs rivojlanishida muhim me’yor qoidalariga rioya qilishga o‘rgatish;
- ma‘naviy-axloqiy, iqtisodiy, xuquqiy, gigienik, estetik, mehnat, jismoniy, jinsiy, ekologik va x. tarbiya yo‘nalishlari bo‘yicha ko‘zda tutilgan talablarni tushunishga va ularga rioya qilishga o‘rgatish;
- atrofda yuz berayotgan voqea-hodisalarga ongli munosabatda bo‘lishga o‘rgatish;
- o‘zi va o‘zgalar (yaqinlari, tengdoshlari, oila-a‘zolari.....) hayoti, salomatligi va mehnatiga ma‘suliyatli munosabatda bo‘lishga o‘rgatish;
- o‘zi yashayotgan Vatan (respublika, viloyat, tuman, mahala, ko‘cha, xonadon)ga xos ma‘lumotlar, xususiy jihatlar(ramzlari, aholisi, iqlimi, mashhur shahar va qishloqlari, qahramonlari, ishlab chiqarishlari....) bilan tanishtirish orqali Ona Vatan mohiyatini anglashga o‘rgatishdan iboratdir.