Umumiy harbiy majburiyat va harbiy xizmat to‘G‘risida

30-modda. O‘quv mashqlari yig‘inida ishtirok etiщdan ozod qilish
O‘zbekiston Respublikasi Vazirlar Mahkamasi tomonidan tasdiqlanadigan ro‘yxat bo‘yicha
bronlab qo‘yilgan harbiy xizmatga majburlar o‘quv mashqlari yig‘inida qatnashishdan ozod
qilinadilar.
31-modda. Zaxiradagi harbiy unvonlarni berish
O‘quv mashqlari yig‘inida ishtirok etib, ta’lim dasturi bo‘yicha sinovlarni muvaffaqiyatli
topshirgan harbiy xizmatga majburlarga “O‘zbekiston Respublikasi fuqarolarining harbiy xizmatni
o‘tashi to‘g‘risida”gi Nizomda belgilanadigan tartibda zaxiradagi podpolkovnik unvonigacha
(podpolkovnik unvoni ham shunga kiradi) navbatdagi harbiy unvonlar berilishi mumkin.
32-modda. Harbiy xizmatga majburlarni iste’fodagilar hisobiga o‘tkazish
Zaxirada bo‘lish yoshining chegarasiga etgan, shuningdek harbiy-vrachlar komissiyasi harbiy
xizmatga yaroqsiz deb topgan harbiy xizmatga majburlar harbiy ro‘yxatidan chiqarilib, iste’fodagilar
hisobiga o‘tkaziladilar.
VI BOB. HARBIY XIZMATGA MAJBURLAR VA ChAQIRILUVChILARNING HARBIY RO‘YXATGA
KIRITILIShI
33-modda. Harbiy ro‘yxatga kiritishning umumiy qoidalari
Harbiy xizmatga majburlar va chaqiriluvchilar harbiy ro‘yxatga kiritilishlari lozim. Harbiy
xizmatga majburlar va chaqiriluvchilarni harbiy ro‘yxatga kiritish davlatning mavjud bo‘lgan va
harbiy xizmatga yaroqli chaqiriluvchilarining hisobini olish va tahlil etish umumdavlat tizimi
hisoblanadi. Hisobga olish tiziminiig amal qilishi O‘zbekiston Respublikasi Mudofaa vazirligi,
O‘zbekiston Respublikasi Ichki ishlar vazirligi, viloyat, nohiya va shahar hokimliklari tomonidan
ta’minlanadi.
Harbiy xizmatga majburlarning va chaqiriluvchilarning barchasini harbiy ro‘yxatga kiritish
ishlari ularning turar joylarida o‘tkazilib, umumiy, maxsus, shaxsiy-sifat ko‘rsatkichi va shaxsiy-
boshlang‘ich ro‘yxatga bo‘linadi.
34-modda. Umumiy va maxsus ro‘yxat
Umumiy harbiy hisobda chaqiriluvchilar, shuningdek safarbar etish davrida va urush vaqtida
xalq xo‘jaligi uchun bronlashtirib qo‘yilmagan harbiy xizmatga majburlar bo‘ladilar.
Safarbar etish davri va urush vaqtida xalq xo‘jaligi uchun bronlashtirib qo‘yiladigan harbiy
majburlar harbiylarning maxsus ro‘yxatida bo‘ladilar.