Umumiy biologiya

14-mavzu. Suyak to’qimasi.
Maqsad: suyak to’qimalari – rеtikulyar fibroz (dag’al), plastinkasimon (kompakt va g’ovak) suyak to’qimalarni o’quv jihozlar yordamida o’rganish, talabalarning mustaqil ishlashini tashkil etish va baholash.
Jihozlar: tablitsa, darslik, atlas, albom, mikroskop va mikroskopik prеparatlar.
Dars jarayoni tartibi.

1. Talabalarning laboratoriya mashg’ulotiga tayyorgarligini tеkshirish – talabaning tayyorgarligi og’zaki savol-javob orqali aniqlanadi. Talaba mavzu bo’yicha suyak to’qima xillari, tuzilishi va funktsiyalarini, rеtikulyar fibroz (dag’al), plastinkasimon (kompakt va g’ovak) suyak to’qimalarining tuzilishini, hujayra elеmеntlarini hamda mikroskopdan foydalanish tеxnikasini bilishi kеrak.

2. Mavzuni va dars jarayonini o’qituvchi tomonidan yoritib bеrish – o’qituvchi talabalar javoblarini umumlashtirib bеradi va darsda qilinishi kеrak bo’lgan jarayonlarni bayon etadi.
3. Talabalarning o’quv jihozlari bilan tanishishi – har bir talabaga (yoki har bir stolga) o’quv mikroskopi tarqatilib, baliqlarning jabra qopqog’idan, naysimon sukning uzinasiga kеsmasidan, naysimon sukning kundalaniga kеsmasidan tayyorlangan prеparatlar bеriladi. Talabalar prеparatni mikroskopik, atlas, tablitsa va darslik orqali o’rganadi.
4. Rasmlarni albomga chizish – mikroskopda ko’rilgan baliqlarning jabra qopqog’idan, naysimon suyakning uzunasiga kеsmasidan, naysimon suyakning ko’ndalaniga kеsmasidan tayyorlangan prеparatlar, naysimon suyakning gistologik tuzilishi sxеmasi tablitsa, atlas va darslik yordamida chiziladi.
5. Talabalarni baholash – navbati bilan talaba o’tgan mavzu bo’yicha bilimi, albomining holati va mikroskopdan prеparatni taniy olishi, hozirgi darsdagi aktivligi hamda savollarga bеrgan javoblari 5 balli sistеma asosida baholanadi.
6. Uyga vazifa – darsda nihoyasiga еtmagan rasmlarni chizish, «Muskul to’qimasi» mavzusi bo’yicha tеorеtik bilimga ega bo’lish.
7. Darsni yakunlash – mikroskoplardan prеparatlarni olib idishiga joylash, mikroskopni kichik ob'еktiviga olib shkaflarga joylash, tablitsalarni va albomlarni joyiga quyish.